Datuak
Beste 287 positibo atzeman dituzte Hego Euskal Herrian
Positiboen ehunekoa %3,1 izan da asteazkeneko testetan. Ospitaleetako presioak arintze bidean segitzen du: Osakidetzaren ardurapeko ZIUetan 77 paziente dira gaitzarekin.
Kutsatuen kurbak beheranzko norabidean segitzen du; transmisioa barealdian da Hegoaldean. Atzo 287 COVID-19 kasu atzeman zituzten, Osakidetzak eta Osasunbideak 9.302 diagnostiko proba egin ondotik. Hala, zehazki, asteazkenean egindako testen %3,1ek eman zuten positibo. Lurraldeka, Bizkaian 134 positibo izan ziren; Gipuzkoan, 76; Nafarroan, 49, eta Araban, berriz, 25.
Erietxeei dagokienez, Hegoaldeko osasun sistemek 24 lagun ospitaleratu zituzten atzo gaitzaren sintomak larriagotuta; Osakidetzaren ardurapeko zentroetan sartu zituzten horiek guztiak; izan ere, Nafarroan ez zen izan birusari loturiko ospitaleratzerik. Halaber, azken datuen arabera, oraintxe bertan guztira 218 paziente dira Hego Euskal Herriko erietxeetan. Horietako 88 ZIU zainketa intentsiboetako unitateetan daude.
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
