Albistea entzun

EUSKAL PRESOAK

Beste bi preso Euskal Herriratuko dituzte

Preso bat gerturatuko dute, eta beste bat lekualdatuko. Castello-n ez da motibazio politikoko euskal presorik geratuko.

Euskal presoen eskubideen aldeko martxa bat Donostian.
Euskal presoen eskubideen aldeko martxa bat Donostian. Jagoba Manterola / Foku Tamaina handiagoan ikusi

Jon O. Urain -

2021eko ekainak 11 16:35

Espainiako Espetxe Erakundeetako Idazkaritza Nagusiak jakinarazi du bi euskal preso Euskal Herriratuko dituztela eta beste bi Euskal Herritik hurbilago dauden kartzeletara gerturatuko dituztela.

Raul Fuentes da Euskal Herriratuko dutenetako bat; El Dueson (170km) dago gaur egun, eta Martutenekora (Donostia, Gipuzkoa) ekarriko dute. 2014ko abuztuan espetxeratu zuten 30 urteko zigorra betetzeko, eta 2031ko maiatzean beteko ditu zigorraren hiru laurdenak. Gainera, bigarren gradura igarotzea proposatu du Kantabriako kartzelako Tratamendu Batzordeak.

Halaber, Gaizka Astorkizaga Madrildik Basaurira (Bizkaia) ekarriko dute. Behin-behineko espetxealdian dago 2020ko azarotik, eta hirugarren gradua eman diote.

Horiez gain, Pedro Cano Castello I-eko kartzelatik (575km) Logroñokora (170km) hurbilduko dute. 2002ko martxoan kartzelaratu zuten, 30 urteko zigorra betetzeko, eta 2024ko irailean beteko ditu hiru laurdenak. Hura ere lehen gradutik bigarrenera igaroko da, Castelloko Tratamendu Batzordeak hala proposatuta.

Gainera, Orkatz Gallastegi Castellotik Topasera (460km) mugituko dute. 2002ko urrian kartzelaratu zuten, 48 urteko zigorra betetzeko, eta 2039ko urtarrilean beteko ditu hiru laurdenak. Hura ere lehen gradutik bigarrenera igaroko da. Hori horrela, Castello hustu egingo da motibazio politikoko euskal presoz.

Bestalde, Olga Comesi ere hirugarren gradua emango diote. Iruñeko presondegian dago, 2012tik bederatzi urteko zigorra betetzen, eta hiru laurdenak 2019ko urrian bete zituen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Hauteskunde panel bat, Baionan. ©GUILLAUME FAUVEAU

Departamenduko eta eskualdeko bozak izanen dira gaur Iparraldean

Ekhi Erremundegi Beloki

Pirinio Atlantikoetako Departamenduko Kontseilu Nagusia eta Akitania Berria eskualdeko kontseilua hautatuko dituzte

Jean-Jacques Lasserre —irudian— presidente berriz hautatu zuten Departamendu Kontseiluko bilkura, Pauen (Okzitania), 2015eko apirilaren 2an. ©BOB EDME

Elkartasun politiken erronka

Iñaki Etxeleku

Departamendu kontseilari berrien hautatzeko bozak dira bihar. Departamendu kontseiluen eskumen nagusia elkartasun politikena da. Gizarte laguntzak indartu beharraz aritu dira bi eragile

Ezkerretik hasita, Aitzol Asla eta Teresa Toda, atzo, Bilbon. ©ARITZ LOIOLA / FOKU

Foro Sozialak egiaztatu du espetxe politikan aldaketa gauzatzen ari direla

Gotzon Hermosilla

Foroak ohartarazi du «aldaketaren aurkako lobby indartsu bat» dagoela. «Bermeak» eskatu dituzte presoak gizarteratzeko ibilbideetarako

Egiari Zor-ek egindako agerraldia, atzo, Bilbon. ©MONIKA DEL VALLE / FOKU

«Ertzaintzak eginiko torturak» aitortzeko eskatu diote Jaurlaritzari

Jon O. Urain

Egiari Zor-ek nahi du Jaurlaritzak bere gain har dezala «erantzukizun politikoa», eta «autokritika» ez egitea egotzi dio. Polizia abusuen 30 biktima aitortzeko ekitaldi bat egingo du gobernuak gaur zortzi

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna