Bihartik, Ipar Euskal Herrian ez da maskararik jantzi beharko kanpoaldean

Igandetik aitzina, ez da etxeratze agindurik izanen. Aldaketa espero baino lehenago sartuko dira indarrean, uztailaren 1ean espero baitzen bertan behera gelditzea.

Hainbat herritar Hendaiako hondartzako pasealekuan, artxiboko irudi batean. GUILLAUME FAUVEAU
Uxue Rey Gorraiz.
2021eko ekainaren 16a
14:47
Entzun

Frantziako lehen ministro Jean Castexek jakinarazi du erabakia: COVID-19ari kontra egiteko neurriak aurreikusi baino lehenago malgutuko dira, bihartik hasita, hain zuzen ere. Bihartik, ez da maskara jantzi beharko kanpoaldean; «egoera jakin batzuetan» baizik ez da erabili beharko, jende asko bilduko den lekuetan bakarrik, alegia.

Gainera, igandean indargabetu eginen da etxeratze agindua, aurreikusi baino hamar egun lehenago. Izan ere, espero zen uztailaren 1ean eginen zela neurri hori arintzera. Castexek argudiatu du izurritearen bilakaera «espero baino azkarrago» ari dela hobetzen. Azaldu du hain zuzen ere horregatik erabaki dela mugak leuntzea.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.