Albistea entzun

ESTATUS POLITIKOA

PSE-EEk «legezkotasunaren eta pluraltasunaren berme» izan nahi du autogobernuaren eztabaidan

PPren ustez, EAJk eta EH Bilduk «xake» egin nahi diote euskal gizarteari estatus berriaren inguruko eztabaida berpiztuta: «Euskal herritarrek ez dute estatus berririk nahi, benetako arazoentzako konponbideak baizik».

Idoia Mendia, legebiltzarrean, bere taldeko legebiltzarkideekin.
Idoia Mendia, legebiltzarrean, bere taldeko legebiltzarkideekin. / PSE-EE Tamaina handiagoan ikusi

Jon O. Urain -

2021eko uztailak 1

Eusko Legebiltzarreko Autogobernu Lantaldeak udazkenean berrekingo dio estatus politiko berri baten inguruko eztabaidari, eta horren aurrean PSE-EEk izango duen jarrera azaldu du Idoia Mendia alderdiko idazkari nagusi eta Jaurlaritzako bigarren lehendakariordeak. Hark ziurtatu du eztabaida horretan PSE-EE «legezkotasunaren eta pluraltasunaren bermea» izango dela.

Mendiak bilera bat egin du legebiltzarrean PSE-EEren talde parlamentarioarekin, eta beste ideia bat nabarmendu du eztabaida horri begira: estatutu berri batek «herritarrentzat erabilgarria» izan behar duela, «gaur egungoak bezala», eta, «erabilgarria izateko, legezkoa» izan behar duela.

«Euskal herritarrek lasaitasuna nahi dute; hauteskundeek eta inkestek behin eta berriz esaten digute identitate kontuek gero eta gutxiago inporta dutela, eta garrantzitsuena enplegua dela, etxebizitza, hezkuntza, osasuna...», azaldu du Mendiak: «Herritarrek egonkortasuna eta seriotasuna eskatzen digute, eta horixe da sozialistok ematen duguna».

Era berean, Kataluniara ez begiratzeko eskatu du: «Ez dugu kanpora begiratu beharrik, zerari erreparatu behar diogu: euskal herritar ezberdinek, ongi komunaren eta herritar guztien alde, gobernu partekatu batean elkar topatzea lortzean erdietsi dugun arrakasta handiari».

PP eta lekukoa

Carlos Iturgaiz PPko Euskal Autonomia Erkidegoko presidentea ere mintzatu da gaiaz, eta hura ere Kataluniari begira jarri da: «Hau erreleboen lasterketa bat da. Ibarretxe planarekin hasi zen; porrot egin zuen, euskal herritarrok ez genuelako nahi gertatzea Katalunian gertatzen ari dena». Iturgaizen iritziz, «lekuko hori orain katalanek daukate, baina prest daude Euskal Herriari emateko, EAJk eta EH Bilduk nahi duten estatus berri horretan».

PPren ustez, EAJk eta EH Bilduk «xake» egin nahi diote euskal gizarteari estatus berriaren inguruko eztabaida berpiztuta: «Euskal herritarrek ez dute estatus berririk nahi, benetako arazoentzako konponbideak baizik». Horregatik, iturgaizek bi alderdiei eskatu die hausnartu dezatela: «Herritarrak ez dira goizero jaikitzen pentsatuz estatus berria dugun».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©EH BILDU

EH Bilduk estatutuaren «agortzea» nabarmendu du; PSE-EEk, ekarpenak

Maddi Ane Txoperena Iribarren

Urkulluk azaldu du «bete gabe» dagoela eta 30 eskumen lekualdatzeke daudela oraindik ere. PPk estatutuaren «deuseztatze» nahia salatu du

Urkullu, gaur, herritarren galderak erantzuten. ©Irekia

Urkulluk esan du «bateragarriak» direla pentsio minimoa hobetzea eta AHTa egitea

Edu Lartzanguren

Herritarrek eginiko hogei galderari erantzun dio Iñigo Urkullu lehendakariak, '#UrkulluTopaketa' egitasmoaren barruan.

ERCko eledun Marta Vilalta. ©Toni Albir / EFE

ERC: aurrekonturik ez, ez bada ikus-entzunezkoetan %7,5 bermatzen katalanarentzat, euskararentzat eta galizierarentzat

Edu Lartzanguren

Esquerrak ohartarazpena bidali dio Espainiako Gobernuari, eta ostiralera arteko epea eman dio gaztelera ez diren hizkuntzentzako kuota ezartzeko Ikus-entzunezkoen Legean.

ETArena izan zitekeen aspaldiko zulo bat aurkitu dute Ataunen

ETArena izan zitekeen aspaldiko zulo bat aurkitu dute Ataunen

Berria

Herritar batek aurkitu zuen Aitzarte edo Ataungo Domoan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.