Albistea entzun

ERABAKITZEKO ESKUBIDEA

Erabakitzeko eskubidearen aldeko «herri gogoa» adieraziko dute bihar Bilbon

Gure Esku-k Hamaika Gara egitasmoak mobilizaziora deitu du biharko (17:30), «erabakitzeko ahalmenaren» beharra nabarmentzeko.

Hamaika Gara-k maiatzaren 14an eginiko agerraldia, biharko deialdiaren berri emateko.
Hamaika Gara-k maiatzaren 14an eginiko agerraldia, biharko deialdiaren berri emateko. Marisol Ramirez / Foku Tamaina handiagoan ikusi

Jon O. Urain -

2021eko uztailak 2

Gure Esku erabakitzeko eskubidearen aldeko dinamikak eta harekin batera Hamaika Gara plataforma osatzen duten 23 eragileek mobilizaziora deitu dute biharko, Hamaika Gara erreferendumaren alde lelopean, erabakitzeko eskubidearen aldeko «herri gogoa» adierazteko. Deialdia Bilboko Areatzaren, Erripa kaiaren eta udaletxeko eta Arriagako zubien artean izango da, 17:30etik aurrera.

Gure Esku-k nabarmendu duenez, «aktualitateko gaia» da estatus politikoari buruzko erreferenduma: «Azken hilabeteotan herritarron kezka nagusiak osasun krisia eta krisi sozial eta ekonomikoa izan badira ere, begi bistakoa da krisia hobeto kudeatzeko eta krisitik nola irtengo garen erabakitzeko burujabetza behar dugula, erabakitzeko ahalmena behar dugula. Begirada altxatzen hasteko garaia da, unean uneko urgentziek zerikusi handia baitute etorkizuneko erronkekin».

Dinamikaren iritziz, «Europan zein Frantzia eta Espainiako estatuetan, erreferendum bidez erabakitzea izango da lurralde auziei konponbide demokratikoa emateko tresna». Eztabaida «pil-pilean» nabari dute, baita Euskal Herrian ere, udazkenean Euskal Autonomia Erkidegoko estatus politiko berriari buruzko eztabaida berraktibatzeko asmoa iragarri dutelako hainbat ordezkari politikok azken asteotan: «Bada garaia herritarrok ere adieraz dezagun zein den gure nahia: erabakitzeko eskubidea lege bilakatzeko aukera historikoa daukagu, eta ez gaude hori baino gutxiago onartzeko prest».

Ibaia eszenatoki

Mobilizazioa 17:30ean hasiko bada ere, sarrera-irteeretan jende pilaketak saihesteko, 17:00etarako agertzeko eskatu diete herritarrei. Burujabetzaren aldeko aldarriak eramateko dei ere egin diete: «Nork eraman dezala bere kartela, eta nahi izanez gero, eskura ditzala www.hamaikagara.eus/uztailak-3/ webguneko atal berezituan dauden ereduak».

Bi eszenatoki egongo dira: uretan bata eta lehorrean bestea. Bilboko itsasadarrean ibiliko den itsasontzi batetik Zetak, Olatz Salvador, Dupla eta Itziar Ituñoren emanaldiak eskainiko dituzte, eta Areatzako eszenatokian lekutuko da diskurtso politikoa. Gainera, mobilizazioan parte hartzeko asmoa duen jendeari «konpromiso txartela» eskuratzea proposatu diote, osasun neurriak egokitu eta mobilizazioaren gastuei «modu kolektiboan» aurre egiteko. 5 euro balio du txartelak eta Hamaika Gararen dendan eskura daiteke.

Mobilizazioa 17:30ean hasiko bada ere, eragileek hitza hartuko dute 16:30etik aurrera; Hamaika Gara osatzen dutenek, baina baita beste batzuek ere.

BERRIAk herenegun argitaratu zuen Amalur Alvarez Gure Esku-ko bozeramaileari eginiko elkarrizketa, eta, bertan, azaldu zuen «aktibatzea tokatzen» dela, «gutxienekoak argi azaltzeko: prozesua herritarron parte hartzean oinarritu behar da, eta erabakitzeko eskubidea oinarri gisa jaso behar du».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Ipar Euskal Herriko erakundeetako ordezkariak, atzoko saioetako hizlariekin, Baionan. ©BOB EDME

Prozesuen erronkak eta zailtasunak

Ekhi Erremundegi Beloki

Aieteren urteurreneko jardunaldien azken saioa izan da Baionan. Iragandakoaz eta gelditzen diren erronkez mintzatu dira bertako eta nazioarteko eragileak. Presoen auzia konpontzeko mekanismoak sortzera deitu du Brian Currinek.
 ©Jon Urbe / FOKU

Herri baten biderako gakoak

Enekoitz Esnaola

Erabakitzeko eskubidea, erreferenduma, estrategia partekatua, gizarte zibila, desobedientzia, eta bide demokratikoak eta baketsuak nabarmendu dituzte Ibarretxek, Torrak, Alvarezek eta Cuixartek

<em>Gatazken eraldaketa demokratikoa</em> izenpeko mahai ingurua, atzo, Donostiako Kursaalean. ©JON URBE / FOKU
Jonathan Powell. ©JON URBE / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna