Albistea entzun

Osasun ziurtagiriaren helburua herritarrak «txertatzera bultzatzea» dela erran du Castexek

Agorriletik aitzina ostalaritzan ziurtagiria erakustea derrigorrezkoa izanen dela berretsi du, haatik, ez dute bezeroen nortasuna egiaztatu beharko. Txertoa jaso duen pertsona bat kontaktu kasua baldin bada ez du konfinatu beharko: «ez dute arriskurik».

Jean Castex Frantziako lehen ministroa, Baionan, joan den larunbatean
Jean Castex Frantziako lehen ministroa, Baionan, joan den larunbatean Gaizka Iroz / EFE Tamaina handiagoan ikusi

Ekhi Erremundegi Beloki -

2021eko uztailak 21 09:38

Elkarrizketa egin diote Jean Castex Frantziako lehen ministroari Frantziako TF1 telebista katean, eta kezka agertu du koronabirusa azken asteetan izaten ari den hedapenari buruz. «Laugarren olatuan gaude. Delta aldaera hor dago, eta kutxakorragoa da», adieradi du. Eman dituen datuen arabera, aste bakarrean %140 emendatu dira kasuak, eta atzo bakarrik 18.000 kasu gehiago izan ziren. Egoeraren arabera, tokian toki murrizketa neurriak hartuko dituztela abisatu du, adibidez, maskararen erabilera orokortua, edo ostalaritzako guneen itxiera ordutegia aitzinatzea.

Gainera, azken egunetan polemika anitz sortu duen osasun ziurtagiriari buruz zehaztapenak eman ditu, eta Frantziako Gobernuaren estrategia zein den argitu du. Osasun ziurtagiriaren helburua herritarrak «txertatzera inzitatzea» da, bere hitzetan. «Ahalik eta leku gehien irekiak atxikitzeko modua da, hala nola, jatetxeak, leku horietan maskara ez baita erabilgarria». Gaurtik aitzina osasun ziurtagiria derrigorrezkoa da kultur eta aisialdi guneetara sartzeko, eta agorriletik aitzina ostalaritzan eta distantzia luzeetako garraiobideetan eskatuko dute.

Hala ere, Castexek zehaztu du ziurtagiriaren QR kodea begiratzera mugatuko dela ostalarien lana, eta ez dutela herritarren nortasuna egiaztatu beharko. «Poliziak ausazko kontrolak eginen ditu nortasunak egiaztatzeko». Aste bateko epean «pedagogiaz» jardungo dute adierazi du; ondoren, zigorrak ematen hasiko dira. Haatik, eskoletako, kolegioetako eta lizeoetako ikasleei ez zaie osasun ziurtagiririk eskatuko ikastetxera joateko. «Krisia hasi denetik gure lehentasunetako bat izan da Frantziako haurrak eskolatzea. Ez dugu orain erranen 'ez bazara txertatua, ez zoaz eskolara'», argitu du. Ikasturte hasieran, 12 eta 17 urte arteko haurrak txertatzeko kanpaina berezitu bat abiatuko dutela iragarri du.

Helburua: 50 milioi

Uda bukaerarako 50 milioi herritarrek txertoaren lehen dosia jasoa izatea, hori da Frantziako Gobernuaren helburua. Horretarako, ondoko asteetan baliabideak emendatuko dituztela iragarri du Castexek. Publiko zaurgarria lehenetsiko dutela nabarmendu du: «50 urtetik gorako hiru miliioi herritar daude txertoa jaso ez dutenak».

Azkenik, osasun arau berriak ere iragarri ditu. Txertoa jaso duen herritar bat kontaktu kasu baldin bada, ez du konfinatu beharko. «Orain arte, bi dosiak eskuratuak zituztenak ere isolatu behar ziren. Egin diren analisiek erakusten dute ez dutela gehiago birusa harrapatzeko arriskurik», adierazi du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Etxeratzeko agindua Nafarroan abuztuaren 5era arte luzatzea onartu du justiziak

Etxeratzeko agindua Nafarroan abuztuaren 5era arte luzatzea onartu du justiziak

Arantxa Iraola

Gainerako murrizketak irailaren 2ra arte luzatzea onartu du; hamar pertsonatik gora ezingo dira elkartu, eta jai giroko ekitaldi asko galarazita egongo dira aurrerantzean ere

Esako urtegia. ©JESUS DIGES / EFE

Esa: bi hamarkada mamuaren itzalpean

Ion Orzaiz

Hogei urte igaro dira Esako urtegia handitzeko lanak hasi zirenetik. Denbora horretan, lanen aurrekontuaren neurri berean handitu dira segurtasunari buruzko kezkak eta kontrako iritziak. Adituen ustez, lanak amaituta ere, «urtegia ez da inoiz beteko».
COVID-19a atzemateko testak, laborategi batean. ©Elvis González, EFE

Eguneko positiboak 2.000 kasuren langatik hurbil dira berriz ere

Uxue Rey Gorraiz

Osakidetzak eta Osasunbideak beste 1.980 kutsatu detektatu dituzte asteazkeneko testetan. 57 lagun erietxeratu dituzte COVID-19ak jota.

Zaballako presondegia, artxiboko irudi batean. ©Jaizki Fontaneda, FOKU

Hamalau kasu positibo atzeman dituzte Zaballako kartzelan

Uxue Rey Gorraiz

Kutsatutako guztiak presoak dira, eta aurretik hartua zuten COVID-19aren kontrako txertoa

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna