Albistea entzun

Alderdiak

Alfonso Etxebarria Eguesibarko alkate ohiak politika utzi du

Nafarroako Auzitegi Nagusiko bigarren salak UPNko zinegotzi baten ordenagailuan sartu zela frogatutzat eman du, eta Etxeberriak ez du epaia errekurrituko. Geroa Baiko zinegotzi izateari utziko dio.

Alfonso Etxeberria
Alfonso Etxeberria Iñigo Uriz / Foku Tamaina handiagoan ikusi

Joxerra Senar -

2021eko uztailak 28

«Nire asmoa ez zen inoiz izan inoren intimitatea urratzea, nire udalerriko eta bertako bizilagunen interes orokorraren alde lan egitea baizik». Hitz horiekin agur esan dio politikari Alfonso Etxeberriak, iragan legealdian Eguesibarko alkate izan zenak, eta Geroa Baiko hautetsi izateari utziko dio.

Koalizioak, prentsa ohar bidez, bere babesa agertu dio, eta «egindako akatsaz haratago», bere kudeaketa eta lana «oso positiboa» izan dela deritzo. Gogora ekarri du Etxeberriak sei milioi euroko soberakinaren amaitu zuela bere agintaldia 2019an, eta «egoera ekonomiko oparoan» utzi zuela udala. Kontu Ganberak ere hala azpimarratu zuela azaldu du.

Etxebarriaren aurkako auziak ez du kudeaketa ekonomikoarekin zerikusirik izan. Duela bi aste, Nafarroako Auzitegi Nagusiko bigarren aretoak zigorra ezarri zion sekretuak jakinaraztearen delitua egotzita: bi urteko espetxe zigorra eta bost urtez kargu publikoa gaitasun gabe uztea ebatzi zuen. Epaiketan egin bezala, Etxeberriak onartu du «asmo txarrik gabeko akats teknikoa» egin zuela Carolina Potau UPNko zinegotziaren ordenagailuan sartuz. Haren esanetan, informazioa eskuratzeko asmoz egin zuen hori.

Ordu hartan, Potau eta Josetxo Andia Eguesibarko garaiko alkatearen aurkako auzia irekirik zegoen, eta hainbat irregulartasun egitea egotzi zitzaien: besteak beste, Andacelay udal sozietatetik bidegabe dirua ebastea egotzi zitzaion. Auzi hark epaitegietan ezerezean amaitu zuen.

Iragan legealdian, informatikari baten laguntzarekin, Alfonso Etxeberria Carolina Potau UPNko zinegotzi ohi eta Andacelay sozietateko arduradun izandakoaren ordenagailuan sartu zela frogatutzat eman zuen Nafarroako Auzitegi Nagusiak, eta haren ordenagailutik ateratako informazioa fiskaltzari helarazi zion. Orain, auzitegiak ebatzi du ordenagailutik ateratako hiru disko gogorrak eta haren kopia oro suntsitzea.

Epaiaren aurrean, Etxeberriak erabaki du helegiterik ez aurkeztea eta politika uztea. Haren hitzetan, ez du zentzurik auzibidea gehiago luzatzea. Egindako hutsa onartu, eta barkamenak eskatu ditu, halaber: «Prozesu honetan pertsonaren batek nabaritu badu bere intimitatea urratu dela, barkamenak eskatzen dizkiot».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Idoia Mendia, atzo. ©PSE-EE

PSEk «legediaren» balioa goraipatu du

Edurne Begiristain

Mikel Unzalu PSEko legebiltzarkide zena oroitu dute. Estatutua goretsi du Mendiak
Isabel Rodriguez eta Olatz Garamendi, atzo, Madrilen. ©FERNANDO ALVARADO / EFE

Beste bi transferentziari buruzko proposamena egingo du Madrilek urrian

Gotzon Hermosilla

Bizitzeko gutxieneko diru sarrera eta trenbideak dira Jaurlaritzari eskualdatu beharreko eskumenak. Transferentzia aurten itxi nahi dute
Ehunka lagunek egin dute bat Arrasaten, Sare-ren deialdiarekin

Ehunka lagun Arrasaten, euskal presoen eskubideen aldeko bilkuran

Iñaki Agirre - Jon Ordoñez Garmendia

Eguerdian euskal presoen eskubideen aldeko 50etik gora bilkura egin dira Euskal Herrian, Sarek atzo bertan behera utzi zuen martxaren ordez. Ertzaintza Voxen bilkuraren aurka protestan ari ziren antifaxistei oldartu zaie Arrasaten, eta taberna batean zegoen gizon bat zauritu du.

Arnaldo Otegi EH Bilduko koordinatzailea, artxiboko irudian ©Gorka Rubio/ Foku

Otegi: «XXI. mendean burujabetzak estatu izena du»

Edurne Begiristain

EH Bilduk Konferentzia Politikoa egin du gaur goizean Donostian, aurrera begirako erronkak zehazteko. Lan politikoaren, hezkuntza proposamenaren eta plan feministaren inguruan bozkatu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.