Euskal Presoak

PPk Itxasoren dimisioa eskatuko du Sareren Arrasateko ekitaldia eragozten ez badu

Carmelo Barrio bozeramaileak esan du ez dutela onartuko «biktimak beste behin ere umiliatzea».

Carmelo Barrio, artxiboko irudi batean. David Aguilar / Efe Tamaina handiagoan ikusi

2021eko abuztuak 17

«Biktimak beste behin ere umiliatzea eragozten ez badu Denis Itxasoren dimisioa eskatuko dugu, ezer ez egiteagatik». Hala mehatxatu du gaur Carmelo Barrio PP+C's koalizioaren Eusko Legebiltzarreko bozeramaileak Espainiako Gobernuak Araba, Bizkaia eta Gipuzkoan duen ordezkaria.

Sarek datorren irailaren 18rako ekitaldi bat antolatu du Arrasaten (Gipuzkoa), «Unai Parot presoari, beste hainbat euskal presori moduan, ezarritako 7/2003 legea salatzeko». Presoen aldeko kolektiboak azaldu duenez, «Sarek denbora darama lege hori bertan behera gera dadin eskatzen, bizi osoko zigorrerako bide dela ulertzen baitu». Parotek 63 urte ditu, 31 urte daramatza espetxeratuta.

Arrasaten datorren irailaren 18an antolatutako mobilizazioak Unai Parot presoari, beste hainbat euskal presori moduan, ezarritako 7/2003 legea salatzea du helburu. #Izanbidea pic.twitter.com/vI4Lx3FuHK
— Sare #IzanBidea âï¸ (@sare_herritarra) August 7, 2021

PPk «hiltzaile horri egingo dioten omenaldia» eragozteko neurriak eskatu ditu, eta Itxasok orain arte horri buruz adierazpenik egin ez izana gaitzetsi du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna