Albistea entzun

Ikasturte politikoaren hasiera

Nafarroako Gobernuak «beharrezko esperantzaz» ekin dio urte politikoari

Maria Txibitek nabarmendu duenez, Nafarroa «berreskuratze eta berraktibatze ekonomiko zein sozial betean» sartua dago.

Nafarroako Gobernuko presidente Maria Txibite, gaurko agerraldian.
Nafarroako Gobernuko presidente Maria Txibite, gaurko agerraldian. Idoia Zabaleta/FOKU Tamaina handiagoan ikusi

Uxue Rey Gorraiz -

2021eko abuztuak 31

Ohi bezala, Nafarroako Gobernuak irailaren atarian zabaldu dizkio ateak urte politiko berriari. Nafarroako Gobernuko presidente Maria Txibitek prentsaurrekoa egin du irekiera ekitaldi gisan, eta hitzez zehaztu ditu gobernuak parez pare dituen hainbat asmo eta erronka. Aitortu du joandakoa «urte oso gogorra» izan dela, batik bat pandemiarengatik, baina irmoki adierazi du badela «baikor izateko arrazoirik». Haren hitzetan, «premiazkoa den esperantzaz begiratu behar da aurrera».

Izurriak korapilatu dituen sektoreen egoera hobetzea da Nafarroako Gobernuaren erronketako bat, Txibiteren arabera. Besteak beste, urratsak egin nahi dituzte lehen arretako zentroetan aurrez aurreko arta berreskuratzeko, itxaron zerrendak murrizteko, eta «aurretik ere baziren hutsuneak betetzeko»: profesionalek eskasiari kontra egiteko, adibidez. Halaber, osasun mentalari erreparatu beharra nabarmendu du Txibitek: «Izurritea erretiratutakoan bistan geldituko da pandemiak buru osasunean eragindako ajea».

Osasun arlorako bakarrik ez, esparru ekonomikorako eta sozialerako asmoak ere zehaztu ditu gobernuak. Esaterako, presidenteak azaldu du urtea bukatzerako eginak izanen direla Nafarroako trafiko eskuduntzen transferentziak. Gainera, datozen hilabeteetan jarriko dute martxan herrialdeko errepideen kudeaketaz arduratuko den Nafarbide enpresa publikoa, eta, bestalde, Txibitek jakinarazi du orain arte Nafarroan inoiz egin den Lan Eskaintza Publikorako deialdirik handiena eginen dutela, batik bat behin-behinekotasunari aurre egiteko.

Aurrekontu ekonomikoari dagokionez, Txibitek argitu du joan diren urteetan bezala jardungo dutela: «Talde politiko guztiekin izanen gara harremanetan». Negoziazio horiei dagokienez, UPNko presidente eta bozeramaile Javier Esparzak dagoeneko erantzuna eman dio Txibiteri, kritiko: «Inork ez du sinesten gobernuak guztiekin hitz egiteko asmoa duenik. Eskutik heldua du EH Bildu, eta EH Bilduren eskutan dira».

Aitortza herritarren ahaleginari

Kazetarien aurrean egindako agerraldian, Maria Txibitek zenbait alditan eskaini dizkie esker oneko hitzak Nafarroako biztanleei. Besteak beste, azaldu du Nafarroak herritarrek egindako ahaleginari esker erdietsi duela pandemian aurrera egitea. «Mila esker erakutsitako arduragatik, denak elkarrekin ari gara gauzak lortzen», esan du herritarrei zuzenduta. Gazteetan ere jarri nahi izan du arreta: «Inork ez bezala sufritu dituzte izurritearen eraginak, eta oso eskertzekoa da, adibidez, txertatzeko ordenan haien txanda azkena izanik ere une oro erakutsi duten eskuzabaltasuna».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

PSNk atea itxi dio Mañeru eremu mistoan sartzeari

Berria

Etzi bozkatuko dute proposamena parlamentuan. Alzorrizek esan du ez dela gaiaz «hitz egiteko garaia»
Odon Elorza, 2021eko urtarrilaren 22an egindako agerraldi batean. ©Gorka Rubio / Foku

Odon Elorzak dimisioa eman du diputatu gisa

Jon O. Urain

Donostiako alkate ohiak aitortu du PSOEko zuzendaritzarekin «desadostasunak» saihesteko hartu duela erabakia. 11 urte egin ditu Espainiako Kongresuan.

Onintze Oleaga eta Unai Urruzuno, otsailaren 11ko topaketa aurkezten. ©/ EH Bildu

EH Bilduk jardunaldi munizipalistak egingo ditu otsailaren 11n

Jon O. Urain

Bost erronkaren inguruan ariko dira, eta indar subiranistak saio horrekin abiatuko du udal hauteskundeetako kanpaina.

Maria Txibite Nafarroako Gobernuko lehendakaria eta Ramon Alzorriz, PSNko bozeramailea, Nafarroako Parlamentuan. ©JESUS DIGES / EFE

PSNk atea itxi dio Mañeru eremu mistoan sartzeari

Xabier Martin

Jakina zen Navarra Sumak ezezkoa emango ziola Euskararen Legea aldatzeko proposamenari, eta, orain, PSNk iragarri du harekin batera bozkatuko duela, Mañeru ez dadin sar eremu mistoan.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.