Albistea entzun

Euskara

CCOOk helegitea jarri dio udaltzainen lan poltsari, euskararen B2 maila eskatzen dutelako

Eskakizun hori «gehiegizkoa» dela salatu du sindikatuak, eta Eusko Jaurlaritzari leporatu dio ELAren eta LABen presioetara makurtu izana. Administrazio publikoak «herritar guztien hizkuntza eskubideak» bermatzeko betebeharra duela gogoratu du Kontseiluak, eta eskubide horren «judizializazioa» gaitzetsi du.

Euskalgintzaren Kontseiluak deituta maiatzean Bilbon egindako elkarretaratze bat, Irungo udaltzaingoaren hizkuntz eskakizunen inguruan izandako polemikaren ostean.
Euskalgintzaren Kontseiluak deituta maiatzean Bilbon egindako elkarretaratze bat, Irungo udaltzaingoaren hizkuntz eskakizunen inguruan izandako polemikaren ostean. Marisol Ramirez / FOKU Tamaina handiagoan ikusi

Julen Aperribai -

2021eko urriak 25

Udaltzain interinoen lan poltsari helegitea jarri dio CCOO sindikatuak. Eusko Jaurlaritzari egotzi dio bere hizkuntza legedia urratu izana, eta ELAren eskaeretara «makurtu» izana. Lan poltsa horretan sartu ahal izateko euskararen B2 maila baldintza izateak eragin du CCOOren haserrea.

Sindikatuak uste du «gehiegizkoa» dela eskakizun hori, eta salatu du hautagaiek ez dutela eskatutako euskara maila dutela ziurtatzeko aukerarik. Euskara eskakizun moduan hartzeak kaleratzeak eragingo dituela argudiatuz justifikatu du sindikatuak bere posizioa: «Eusko Jaurlaritzaren planteamendu honek ehunka udaltzain kalean utziko ditu, inongo justifikaziorik gabe, lekuan lekuko egoera linguistikoa ez duelako aintzat hartzen, ezta kasuen aniztasuna ere. Izan ere, polizia askok badakite euskaraz, baina ez ezin dute egiaztatu, edota egungo sistemak kontuan hartzen ez dituen ezagutzak dituzte».

Eusko Jaurlaritzaren «noraezari» erantzun egingo diola ohartarazi du sindikatuak, zeinak, salatu duenez, «ELAren presio baztertzaileei, baina baita LABenei ere» men egin baitie. Presio horiek «eleaniztasunaren bizikidetzarako kontsentsuen kontra» egiten dute, CCOOren arabera, eta baita Eusko Jaurlaritzaren legediaren kontra ere.

CCOOren mugimendua kezkaz ikusi du Euskalgintzaren Kontseiluak, eta lanpostu publikoetan hizkuntza eskakizunak betetzearen garrantzia azpimarratu du Paul Bilbao idazkari nagusiak: «Herritar guztien hizkuntza eskubideak bermatuko dituzten langileak kontratatu behar ditu administrazioak». Halaber, betebehar horrek garrantzia berezia du poliziaren esparruan, Bilbaok esan duenez, «kontuan hartuta oso esparru sentibera dela eskubideei dagokienez». Atxiloketa bat dagoenean, kasurako, gogoratu du atxilotuak jakin egin behar duela zergatik atxiki duten, eta herritarrek eskubidea dutela gisa horretako komunikazio ekintzak euskaraz izan daitezen.

Bestalde, CCOOren helegiteak hizkuntza eskubideen esparrukoa «judizializatzeak» sortzen dio benetako kezka Kontseiluari, Bilbaok azaldu duenez. «Botere judizialetik nolabaiteko ofentsiba bat helarazten ari da euskaldunon hizkuntza eskubideei dagokienez. Kezkatzen gaitu afera hauek judizializatzeak; are, ikusita zer-nolako irakurketa murritzak egiten ari diren epaitegietatik».

Maiatzean, EAEko Justizia Auzitegi Nagusiak bertan behera utzi zituen Irungo Udalak hamabi udaltzain postutarako ezarritako hizkuntz eskakizunak, euskaraz ez dakitenentzat «diskriminatzaileak» zirela argudiatuta. Hautsak harrotu zituen kasu hark. Irungo Udalak helegitea jarri zion ebazpenari, eta euskalgintzako hainbat eragilek gogor gaitzetsi zuten ebazpena. Euskalgintzaren Kontseiluak deituta, elkarretaratzea egin zuten Auzitegi Nagusiaren aurrean ondoren, Euskaraz bizitzearen alde, batuz. Eskubide murrizketarik ez! lelopean.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©Jon Urbe / FOKU

Agus Rodriguez: «Jantoki sozial bat izan daiteke zerbait duina»

Miren Garate - Gipuzkoako Hitza

Kalean daudenen kopurua asko handitu da Donostian. Agus Rodriguez Donostiako Kaleko Afari Solidarioak egitasmoaren sustatzailearen esanetan, udalak bere gain hartu behar luke pertsona horien gaineko ardura, baina gaur egun eskaintzen dituen baliabideak ez dira aski.

GuraSOS deitutako manifestazioa, gaur Donostian. ©Gorka Rubio, FOKU

Zubietako erraustegia ixteko eskatu dute ehunka lagunek Donostian

Uxue Rey Gorraiz

Aldeen arteko elkarrizketa bat izan dadila galdegin dute, auziari irtenbidea bilatzeko, eta grinez nabarmendu ez Gipuzkoako Aldundiak ez eta Jaurlaritzak ere ez dutela «hitza bete».

Alemaniako Grevenbroich hiriko parke eolikoa, eta, atzean, ikatzezko zentrala, duela gutxiko irudi batean. ©SASCHA STEINBACH / EFE

PLANETAREN MUGEKIN TALKAN

Iñaki Petxarroman

50 urte dira Hazkundearen Mugak txostena kaleratu zutela. Ekonomia ulertzeko beste modu bat ezarri zuen, eta zientzian oinarritutako sistema batekin erakutsi zuen hazkunde etengabeak etorkizunean eragin zitzakeen arazoak. Gaur egun, begi bistan daude arazo horietako batzuk, hala nola klima krisia eta bioaniztasunaren galera.
 ©BERRIA

«Gure aztarna ekologikoak egungoaren hamarren bat izan behar du»

Iñaki Petxarroman

Kontsumoa eta ekoizpena apaltzea eta espiraleko ekonomia martxan jartzea beste biderik ez du ikusten Antonio Valerok.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...