Albistea entzun

Arrazakeria

Aurten ugaritu egin dira arrazakeriarekin lotutako gorroto delituak

Islamari buruzko aurreiritziak desegiten jardunaldia inauguratu du Erkorekak, eta adierazi du gorroto delituen kausa nagusia arrazakeria dela.

'Islamari buruzko aurreiritziak desegiten' jardunaldia, gaur.
'Islamari buruzko aurreiritziak desegiten' jardunaldia, gaur. Tamaina handiagoan ikusi

Oihane Puertas Ramirez -

2021eko azaroak 17

Gorrotoaren katea «errotik mozteko» eta aurreiritziak «desegiteko» deia egin du Josu Erkoreka Eusko Jaurlaritzako Segurtasun sailburuak, gaur, Islamari buruzko aurreiritziak desegiten jardunaldiaren inaugurazioan. Erkorekak ziurtatu duenez, «Euskadin urtetik urtera» erregistratzen diren gorroto delituen arrazoi nagusia «arrazakeriarekin eta xenofobiarekin lotuta» dago: aurten, esaterako, lehenengo hamar hilabeteetan zazpi puntu baino gehiago ugaritu dira: %48,55etik %55,71ra. Musulmanen komunitatearekin lotutakoak ere igo dira, %25etik %32ra.

Erkorekaren arabera, mintegiaren izenburuak «iradokitzen» du «bizikidetza anitza eta integratzailea eraikitzeko» aurreiritziak «desmuntatu» behar direla. Adierazi duenez, aurreiritzia «ezjakintasunaren ondorioa da ia beti», baina «ezjakintasuna ez da beti kaltegabea», eta gorrotoak pertsona edo kolektibo baten aurkako «indarkeria erabiltzera bultza» dezake.

Gorroto delituak desagerrarazteko, botere publikoek «diskurtso eta zigorren estrategia uztartu» beharko luketela adierazi du Erkorekak. Horrekin batera, azaldu du botere publikoek hiru modutan erantzun dezaketela: «Horri aurre egiten dioten eta neutralizatzen duten beste diskurtso batzuekin, neurri zigortzaileekin edo diskurtso eta zigorren estrategia konbinatu batekin». Sailburuak nabarmendu du «Gorroto diskurtsoa debekatzeak eta zigortzeak» ez duela esan nahi «adierazpen askatasuna kaltetzea», baina adierazpen askatasunak inoiz ezin duela «gorroto delitua estali».

Arrazakeria eta xenofobiarekin lotutako gorroto delituak ugaritu egin diren arren, Ikuspegi Immigrazioaren Euskal Behatokiaren 2021eko Barometroaren arabera, Araba, Bizkai eta Gipuzkoako herritarrek gero eta jarrera «inklusiboagoa eta toleranteagoa» erakusten dute jatorri atzerritarra dutenekin. Tolerantzia indizea «inoizko handiena» bada ere, inkestek agerian uzten dute jatorri atzerritarra duten kolektibo batzuek «estigmatizatuta» jarraitzen dutela, batez ere, marokoarrek, aljeriarrek eta magrebtarrek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Maiaren adierazpenen aurkako protesta egin zuten ostegunean, SOS Arrazakeriak deituta. Irudian, manifestari bat, alkatearen aurkako afixa batekin. ©JESUS DIGES / EFE

Maia, datuek gezurtatua: delituen %0,3 dagozkie migratzaile adingabeei

Ion Orzaiz

Adingabeen Fiskaltzak 522 espediente ireki zituen iaz Nafarroan, eta soilik 99 izan ziren migratzaileei egotzitakoak. Iruñeko alkateak dioenaren kontrara, delitu horien ehunekoa apaldu egin da 2019tik
Frantziako Polizia osasun ziurtagiria eskatzen, Miarritzeko ostatu batean. ©GUILLAUME FAUVEAU

Txertatze ziurtagiriaren alde egin du Konstituzio Kontseiluak

Oihana Teyseyre Koskarat

Astelehenetik goiti beharrezkoa izanen da Ipar Euskal Herriko hainbat leku publikotara sartzeko. Kontseiluak atzera bota du ekitaldi politikoetan parte hartzeko agiria eskatzea

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.