Albistea entzun

MEMORIA

Zabalzaren eta Rodriguezen senideek UPNri eskatu diote ekintzekin laguntzeko Iriarteren hitzak

Foro Sozialak uste du Navarra Sumako parlamentariaren barka eskea «lagungarria eta beharrezkoa» dela.

Eneko Etxeberria, Fermin Rodriguez eta Idoia Zabalza, 2017ko otsailean estatu indarkeriaren biktimei eginiko ekitaldi batean.
Eneko Etxeberria, Fermin Rodriguez eta Idoia Zabalza, 2017ko otsailean estatu indarkeriaren biktimei eginiko ekitaldi batean. Jagoba Manterola / Foku Tamaina handiagoan ikusi

Jon O. Urain -

2021eko azaroak 18 17:12

«Autokritika egiten dugu. Ez genuen jakin German, Zabalza, Arregi eta gainerakoei kariñoa adierazten, edo justizia jasotzeko eskubidea zutela esaten». Navarra Sumako Iñaki Iriarte parlamentariak elkarbizitzari buruzko gogoeta egin zuen atzo Nafarroako Parlamentuan. «Ez zaigu kostatzen barkamena eskatzea okertu egin baginen. Baina gogoratu behar dut ez genuela biolentzia erabili, ez genuela GAL antolatu. Ez genuen gerrarik antolatu gerra egin zigutenen kontra».

Gaur, 1978ko sanferminetan Espainiako Poliziak hildako German Rodriguezen eta Guardia Zibilak 1985ean torturatu eta hildako Mikel Zabalzaren senideek begi onez ikusi dute Iriarteren keinua, baina eskatu dute haren hitzak ekintzekin laguntzeko. Lohizune Amatriak, Zabalzaren ilobak, aurrerapausotzat jo du Iriarteren adierazpena, baina aitortu du «mesfidantza puntu» bat duela: «36 urte dira Guardia Zibilak Mikel hil zuela Intxaurrondon, eta urte hauetan guztietan sektore politiko honetatik ez dugu aitortzarik jaso, bigarren mailako biktimak izan gara».

Fermin Rodriguezi, German zenaren anaiari, berriz, «ongi» iruditu zaio adierazpena, baina justizia egiteko eskatu du: «Argi gera dadila zeintzuk izan ziren arduradunak, ez zirela gertakari bakartuak izan, [Espainiako] Estatuaren politika antolatu bat izan zela. Hori nabarmendu behar da eta hor egin behar da autokritika».

Iriarte Nafarroako Parlamentuan mintzatu zen; Bizikidetza demokratikoa eraikitzeko konpromiso soziala prozesua amaituta, Foro Sozialak ondorioak aztertu zituen parlamentuan. Testuinguru horretan, Espe Iriarte Foro Sozial Iraunkorreko kideak azaldu du Navarra Sumako parlamentariaren barka eskea «lagungarria eta beharrezkoa» dela. Euskalerria irratian eginiko elkarrizketa batean, atzo alderdiei eskaturikoa azaldu du: estatu indarkeriaren biktimekiko konfiantza berreskuratzeko, «mezu argi bat bidaliz biktimei legearen ezarpenari dagokionez».

Iriarteren hitzak babestu ditu Enrique Maia Iruñeko alkateak ere, baina ñabardura egin dio, esanez berak ez duela zertan barkamenik eskatu: «Niri asko gustatuko litzaidake autokritika hori beste alderdi batzuek egitea (...). ETAren indarkeria gaitzesten ez duten alderdiei eskatzen diet hala egin dezatela eta ETAren biktimentzat ere eskatu dadila memoria, duintasun, justizia eta erreparazio hori, eta hilketa horiek nola gertatu ziren dakitenek lagundu dezatela horiek argitzen, eta utz diezaiotela antzerkia egiteari».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Usurbilgo udaletxea. ©NOAUA

Usurbilgo Sagardia plazaren izena aldatzeko exijitu du Espainiako Gobernu Ordezkaritzak

Xabier Martin

Joxe Martin Sagardia euskal errefuxiatua BVEk hil zuen 1980an, Miarritzen. ETAko ustezko kideen zerrenda batean dagoela esan dio udalari Espainiako Gobernu Ordezkaritzak, eta Terrorismoaren Biktimen Legea urratzen duela plazaren izenak.

Eneko Andueza eta Maria Txibite, bilera ostean. ©Berria

Sozialistak «ongizatearen berme» direla esan dute Anduezak eta Txibitek

Gotzon Hermosilla

PSE-EEk eta PSNk bilera egin dute, eta bi alderdien arteko «lotura estuak» nabarmendu dituzte.

<b>Foru Hobekuntzaren 40. urteurrena ospatu zen atzo Senatuan.</b> ©J.C. HIDALGO / EFE

Txibitek Foru Hobekuntza goraipatu du, «batasun konstituzionalaren barnean»

Joxerra Senar

Senatuan egin da Nafarroako estatutuaren urteurreneko ekitaldi nagusia. Hitzeman du «lehenbailehen» egingo dutela ituna trafiko eskumenari buruz

EH Bilduko Maddalen Iriarte eta Nerea Kortajarena aurrekontuei buruzko agerraldi batean. ©ENDIKA PORTILLO / FOKU

Oposizio taldeak adina osoko zuzenketa Jaurlaritzaren aurrekontuei

Xabier Martin

Osoko zuzenketez gain, 711 zuzenketa partzial aurkeztu dituzte EH Bilduk, Elkarrekin Podemosek eta PP+C’s-ek, 1.433 milioi eurorenak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.