Albistea entzun

Frankismoa

Pablo Casado Francoren omenezko meza batean izan da asteburuan

PPko informazio iturrien arabera, Casadok ez zekien diktadorearen aldeko meza bat zenik. Larunbatean joan zen elizkizunera, Granadan (Espainia), Francoren heriotzaren urteurrenean.

Pablo Casado, artxiboko irudi batean.
Pablo Casado, artxiboko irudi batean. JESUS MONROY/EFE Tamaina handiagoan ikusi

Uxue Rey Gorraiz -

2021eko azaroak 22

1975eko azaroaren 20an zendu zen Francisco Franco; horiek horrela, urteurrena izaki, diktadorea oroitzeko hainbat ekitaldi egin dira asteburuan hainbat herritan. Hain zuzen, horietako batean izan zen larunbatean Pablo Casado Espainiako Alderdi Popularreko idazkari nagusia. Francoren alde otoitz egiteko meza batean izan zen, Granadako katedralean (Espainia), emaztearekin eta semeekin. Ordea, alderdi politikoko iturriek argitu dute Casadok ez zekiela diktadorea omentzeko ekitaldia zenik.

PPko iturriek nabarmendu dutenez, katedrala ikusteko joan zen elizara Casado, senideekin, eta ordurako meza hasia zelako erabaki zuten bertan gelditzea. Gainera, PPren esanetan, Casadoren hitzordu politikoen eraginez, familiari ezinezko izanen zitzaion igandean mezetara joatea, eta horregatik baliatu zuten larunbatean joateko aukera. Diotenez, politikariak ondoko egunean jakin zuen Francoren omenaldi batean egona zela, «ez lehenago». Izan ere, erantsi dutenez, elizkizunean ez zen Francisco Francoren izenik aipatu, ez behintzat osorik. Francisco izena baizik ez omen zuten ahoskatu; abizenik esan gabe aipatu zuten, alegia. Hori dela eta, beste bide batzuen bidez izan omen du Pablo Casadok omenaldiaren berri. Elizkizuna bukatutakoan, politikariak argazki bat atera zuen herritar batekin, eta azken horrek Twitterrera igo zuen argazki hori, esaldi batek lagundurik: «Pablo Casadorekin, generalisimo-aren aldeko mezan».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskal Hiriguneko biltzarra, joan den abenduan. ©GUILLAUME FAUVEAU

Euskal Elkargoa gainditu beharra

Ekhi Erremundegi Beloki

Euskal Hirigune Elkargoak bost urte beteko ditu igande honetan. Ipar Euskal Herriak izan duen lehen instituzio propioa eraikitze fasetik politika publikoak ontzera iragan zen 2020ko hauteskundeen ondotik, baina, anitzen ustez, bere mugak erakutsi ditu jadaneko.
Izadi haurraren alde joan den azaroan Burlatan egindako jaialdi bat. ©IDOIA ZABALETA / FOKU

Amarik gabeko urtebetetze eguna

Maddi Ane Txoperena Iribarren

Maria Lizarraga eta Iñigo Gutierrez euskal presoen alaba Izadik bihar beteko ditu 3 urte. Kartzelatik atera beharko du orduan, Espainiako espetxe legediak hala aginduta, eta amarengandik bereizi. Gutierrez atzo atera zen espetxetik, hirugarren graduan.
Aurreneko lerroan, ezkerretik, Gorka Urrutia, Beatriz Artolazabal eta Jose Ramon Intxaurbe, atzo. ©MARISOL RAMIREZ / FOKU

Espainiako segurtasun indarren lana balioesteko eskatu diote Jaurlaritzari

Gotzon Hermosilla

Txosten bat egin dute ETAk Guardia Zibilean eta Espainiako Polizian eragindako sufrimenduaz

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.