Albistea entzun

Hizkuntza eskubideak jomugan

Manifestazioa eginen du Seaskak abenduaren 10ean, Bordelen

Azterketak euskaraz egiteko eskubidea aldarrikatuko dute Bordeleko Giza Eskubideen plazan. «Espero dugu aurten zinezko lorpenak izatea, eta badakigu hori mobilizazioen bidez egiten dela», adierazi du Peio Jorajuriak Euskal Irratietan

Azterketak euskaraz egiteare aldeko manifestazioa, uztailean, Donapaleun
Azterketak euskaraz egiteare aldeko manifestazioa, uztailean, Donapaleun Guillaume Fauveau Tamaina handiagoan ikusi

Ekhi Erremundegi Beloki -

2021eko azaroak 30 13:39

Euskaraz ikasteko eskubidearen aldeko beste mobilizazio bat antolatu du Seaska Ipar Euskal Herriko ikastolen federazioak. Abenduaren 10ean izanen da, Bordelen (Okzitania), Giza Eskubideen plazan. Azterketak Euskaraz kolektiboarekin antolatu dute protesta, ikasketak euskaraz egiten dituzten ikasleek azterketak euskaraz egiteko eskubidea izan dezatela aldarrikatzeko.

«Azterketen gaia biziki garrantzitsua da», adierazi du Peio Jorajuria Seaskako lehendakariak Euskal Irratietan, eta azken urteetan izan diren gibelapenak salatu ditu. Izan ere, 2017ra arte brebeta osoki euskaraz pasatzeko eskubidea zuten kolegioko ikasleek, baina, geroztik, zientziak frantsesez pasatzera behartuak dira. Hala, desobedientzia ekintza bat egin dute aurten, ikuskaritzaren ezezkoa jasorik ere azterketak euskaraz itzulita. Egoera salatzeko, Amikuzeko kolegioa okupatu zuten guraso, irakasle eta ikasleek bi egunez, eta manifestazio jendetsua egin zuten.

Baxoan ere lorpenak izan dituzte azken urteetan, Jorajuriaren hitzetan, hala nola Frantziako Hezkuntza Ministerioarekin 2019an hitzarmena berritu zutenean, Baxoko ahozko handiaren zati bat euskaraz egitea adostu baitzuten; baina, ordutik, ez da neurria bete. «Gibelapen horiek ezin dira pasatzera utzi. Espero dugu aurten zinezko lorpenak izatea, eta badakigu hori mobilizazioen bidez egiten dela», adierazi du Jorajuriak Euskal Irratietako elkarrizketan-

Zirkularra

Frantziako Gobernuaren jarrera hizkuntza gutxituei buruz «biziki ezkorra» dela berretsi du Jorajuriak, besteak beste Jean Michel Blanquer Hezkuntza ministroaren jarrera deitoratuta. «Gailurra ukitu zuen iaz Konstituzio Kontseiluaren erabakiarekin». Hala ere, gibel egin behar izan zutela erran du, eta euskarazko murgiltze irakaskuntza baimentzeko zirkular bat prestatzen ari direla oroitarazi du. «Baina azterketak ez dituzte sartzen zirkularrean; horretarako ez dira prest», deitoratu du Jorajuriak. «Badira oraindik posizio batzuk frantsesaren nagusitasuna atxiki behar dela diotenak».

Horregatik, mobilizazioaren bidez presio egiten saiatu nahiko luke Seaskak, eta ikasleak, gurasoak, irakasleak eta euskaltzaleak oro har protestan parte hartzera deitu ditu Jorajuriak. «Ikasleak biziki inplikatuak dira borroka horretan, bai kolegioan eta bai lizeoan. Deitzen ditugu ere libre diren guziak, mobilizatzeko, ahalaz gauzak mugitzeko esperantzaz».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jokin Bildarratz Donostiako ikastetxe batean, ikasturte hasieran ©irekia

Eskola publikoetako zuzendariek baimena izango dute urtebetean eskolarik ez emateko

Irati Urdalleta Lete

Jaurlaritza ontzen ari den dekretu batean jaso dutenez, zortzi urte karguan egon ostean eskola publikoetako zuzendariek ez dute eskolarik eman beharrik izango urtebetean. Gainera, ikastetxean nahitaez egon beharreko ordutegia malgutuko diete, eta lehentasuna izango dute beste ikastetxe bat aukeratzeko.

Soraluzeko andrearen hilketa gaitzesteko elkarretaratzea, Elgoibarren. ©Jon Urbe, FOKU

Soraluzeko andrearen hilketa gaitzetsi dute dozenaka lagunek Elgoibarren

Julen Otaegi Leonet

Soraluzeko Udalak elkarretaratzera deitu du biharko, 19:00etarako.

COVID ziurtagiria, osalaritza negozio baten aurrean. ©Gorka Rubio / FOKU

COVID ziurtagiriaren luzatzea indargabetu du EAEko Justizia Auzitegi Nagusiak

Iñaut Matauko Rada

Herritar batek inpugnatu zuen COVID ziurtagariaren luzatzeko modua eman zuen dekretua, oinarrizko eskubideen babesaren arrazoiagatik, eta auzitegiak onartu egin du eskubideak urratzen zituela, «arin» bada ere.

Istripua izan duten ibilgailuak, ezbeharra gertatu berritan, gaur, A-1 errepidean. ©@trafikoaejgv

A-1 errepidea moztu dute Gasteiz parean, hainbat ibilgailuren arteko istripu bat dela eta

Berria

Hamar lagun zauritu dira ezbeharrean, eta larri daude horietako bi.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.