Albistea entzun

EAE-ko aurrekontuak

Eusko Jaurlaritza eta EH Bildu akordio batera iritsi dira aurrekontuen inguruan

Pedro Azpiazuk eta Maddalen Iriartek sinatu dute. 253 milioi euroren neurriak adostu dituzte osasuna, klima larrialdia, ongizate energetikoa, politika soziala, I+G+B eta gazteria alorretan, eta, ondorioz, koalizioa abstenitu egingo da aurrekontuen bozketan.

Azpiazu eta Iriarte, 2019ko argazki batean. /
Azpiazu eta Iriarte, 2019ko argazki batean. / Juanan Ruiz/Foku Tamaina handiagoan ikusi

Jon Ordoñez Garmendia -

2021eko abenduak 1

Eusko Jaurlaritzak eta EH Bilduk akordio bat sinatu dute EAEko aurrekontuen inguruan, eta, horren ondorioz, koalizioa abstenitu egingo da abenduaren 23an horiek onartzeko egingo den bozketan. Pedro Azpiazu Ekonomia eta Ogasun sailburuak eta Maddalen Iriarte EH Bilduko bozeramaileak sinatu dute akordioa.

Akordioan jaso dutenaren arabera, batzorde bat eratuko dute, akordioan adostutakoa betetzen dela aztertzeko. Alde bakoitzeko hiru pertsonak osatuko dute, eta lau hilabetean behin bilduko da, hartutako konpromisoak ezartzeko prozesua jarraitzeko eta horiek betetzen diren aztertzeko.

Azpiazuk berak eta EH Bilduk sare sozialetan jakinarazi dutenez, 253 milioi euroren neurriak adostu dituzte honako alor hauetarako: osasuna, klima larrialdia, ongizate energetikoa, politika soziala, I+G+B eta gazteria. Horrez gain, EH Bilduk proposatutako sei neurri politikoetatik hiru adostu dituzte.

Hauek dira EH Bildurekin egindako akordioaren ondorioz Eusko Jaurlaritzak hartu dituen konpromiso politikoak:

1. Akordioan jasotakoaren arabera, Eusko Jaurlaritzak konpromisoa hartu du elkarrizketa sozialeko esparru guztietan eta hitzarmen kolektiboetan gutxieneko soldata bat defendatzeko eta sustatzeko, «Euskal Autonomia Erkidegoko batez besteko errentarekiko proportzionala izango dena».

2. Etxebizitzaren alorrean, alokairu pribatuaren prezioak kontrolatzeko sistema bat abian jartzeko konpromisoa hartu du Jaurlaritzak, etorkizunean Espainiako araudiak horretarako bidea ematen duenean. Gainera, Zerga Koordinaziorako Organoan etxebizitzaren alokairuaren prezioei eusteko balizko zerga neurriei buruzko txosten bat egitea proposatuko du.

3. 2022ko aurrekontuetan Eusko Jaurlaritzak %10 handituko du ikerketa, garapen eta berrikuntzarako dirua (70 milioi euro gehiago), eta urte horretatik aurrera %12 handituko du legegintzaldia bukatu bitartean, «lehenbailehen iritsi dadin gomendatutako BPGaren %3ra».

Klima larrialdiari aurre egiteko, 120 milioi

Neurri ekonomikoen artean, larrialdi klimatikoari aurre egitekoak nabarmentzen dira. 120 milioi euroren neurriak adostu dituzte akordioan. Osasunaren arloan, 30 milioi gehiago izango dira, eta gizarte politikan, hogei milioi gehiago. Ongizate energetikoaren alorrari dagozkio adostutako diruaren lau milioi euro, eta gazteen emantzipazioarenari, bi.

EH Bilduk iragan ostiralean erabaki zuen ez aurkeztea osoko zuzenketarik Jaurlaritzaren aurrekontuei, «elkarrizketarako borondate zintzoa» erakusteko. Eskertuta erantzun du Iñigo Urkullu lehendakariak: «Bide berri bat irekitzen da». EAJk eta PSE-EEk bestela ere ziurtatuta zituzten aurrekontuak, gehiengoa baitute Eusko Legebiltzarrean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Eneko Goia Donostiako alkatea, artxiboko irudi batean. ©GORKA RUBIO / FOKU

Eneko Goiaren gobernukideek baztertu egin dituzte alkateak proposatutako turismo tasak

Iñaut Matauko Rada

PSE-EEko eta PPko ordezkariek Eneko Goiaren proposamena kritikatu dute. Udalerriek kudeatutako turismo tasa ezartzea eskatu dio Donostiako alkateak Eusko Jaurlaritzari.

Elkarretaratzea, gaur, Leitzan. ©Leitzako Txosna Batzordea.

Txosnetan jasotako «mehatxu faxistak» salatu dituzte Leitzan, elkarretaratze batean

Berria

150 bat lagun elkartu dira Faxismoari stop lelopean. Pintura gorria bota zuten txosna batera, eta herritar baten aurkako mehatxuak ere agertu ziren.

Konpartsetako kideak, atzo Bilbon egindako agerraldian. ©MONIKA DEL VALLE / FOKU

Sarek eta Bilboko konpartsek manifestazioa egingo dute 26an

Gotzon Hermosilla

Mobilizazioak 'Etxera bidea gertu' izango du goiburu. APAVT elkarteak debekatzeko eskatu du, xedea «ETA gorestea» delakoan

Etxeratek joan den astean Donostian egindako protesta. ©ANDONI CANELLADA/FOKU

Beste sei euskal preso jarri dituzte hirugarren graduan azken hilabetean

Berria

Guztira, 23 presori eman diete hirugarren gradua Eusko Jaurlaritzak espetxeen eskumena hartu zuenetik.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...