Asteburuko bigarren euskal mendizalea hil da gaur. Balerdi mendian gertatu da ezbeharra, Aralar mendilerroan; Berrobiko (Gipuzkoa) 39 urteko gizon bat 50 metrotik erori da. Unean bertan hil da, eta beste mendizale batek eman du abisua.
Eusko Jaurlaritzako Segurtasun Sailak jakinarazi duenez, osasun langileak, suhiltzaileak eta Ertzaintzako erreskate taldeko agenteak joan dira esandako lekura, eta toki harritsu batean aurkitu dute gorpua. Azkenean, Ertzaintzaren helikopteroaren laguntzaz erreskatatu dute gorpua.
En el monte Balerdi, un mendizale ha fallecido hoy tras sufrir una gran caída. Recuperamos su cuerpo.
— UVR Ertzaintza (@UvrErtzaintza) January 16, 2022
Nuestro abrazo para su familia. Descanse en paz.
Balerdin mendizale bat zendu da gaur erorketa haundi bat jasan eta gero. Gure besardaka bere senideentzat. Goian bego.#uvrpic.twitter.com/hDaEnNTvka
Atzo, Berastegiko (Gipuzkoa) 27 urteko beste gizonezko bat hil zen mendi istripuz. Huescako Aspe mendian erori zen, Aisa herrian (Espainia).
