Albistea entzun

Sexu abusuak Elizan

Benedikto aita santu emerituak aitortu du okerreko informazioa eman ziela ikertzaileei

Municheko apezpiku zela sexu abusuen inguruko kasu bati buruzko bilera batean ez zuela parte hartu esan zuen Joseph Ratzingerrek, baina frogatu egin dute han egon zela.

Joseph Ratzinger, 2020ko ekainean, Almemanian eginiko bisita batean.
Joseph Ratzinger, 2020ko ekainean, Almemanian eginiko bisita batean. PHILIPP GUELLAND / EFE Tamaina handiagoan ikusi

Edu lartzanguren -

2022ko urtarrilak 24 18:16

Alemaniako Elizan gertaturiko hainbat sexu abusu ikertzen ari direnei informazio okerra eman ziela onartu du gaur Joseph Ratzinger Benedikto XVI.a aita santu emerituak.

Joseph Ratzinger, gerora Benedikto XVI.a aita santua izango zena, Municheko (Alemania) artzapezpiku izan zen 1977tik 1982ra. Joan zen astean plazaraturiko ikerketa batek ondorioztatu duenez, Munichen lan egin zuen urteetan, izan zuen Elizaren sexu abusuen berri, baina ez zuen ezer egin. Ikertzaileek adierazi zutenez, Ratzingerrek esan zien ez zuela gogoratzen 1980. urtean bilera batean egon izana apaiz pederasta baten kasua aztertzeko. Ikertzaileek, ordea, esan zuten bazituztela agiriak frogatzeko Ratzinger bilera hartan egon zela. «Ratzingerrek bazuen Peter H. apaizaren berri. Hura 1980an lekualdatu zuten Essengo artzapezpikutzatik Munichekora, pedofilia leporatu ondoren. Munichen, adingabeei abusuak egiten jarraitu zuen», jasotzen du ikertzaileen dokumentuak.

Gaur amen esan behar izan du Benedikto XVI.ak. Haren idazkari Georg Ganswein artzapezpikuak plazaraturiko agiri batean, onartu egin dute Ratzinger bileran egon zela, eta hori ukatu izana «adierazpena editatzean eginiko akats baten emaitza» izan zela adierazi dute. Gaineratu dute akatsa ez dela «fede txarrez» egin.

Gansweinek azaldu duenez, bilera hartan apaiza beste postu batera bidaltzeaz eztabaidatu zuten, baina ez zuten erabakirik hartu. Bakarrik, apaizarentzat bizileku bat bilatzeko eskaera egin zutela, tratamendu terapeutikoa egin bitartean.

Idazkariaren arabera, Benediktok badu asmoa azaltzeko nolatan egin duen huts hori, txostena irakurtzen amaitzen duenean.

Txostenean, Bigarren Mundu Gerraren ostetik ia gaur egun arte salatutako abusuak jasotzen dira, eta ondorioztatu dute Ratzingerrek adingabeen aurkako lau kasuren berri izan zuela artzapezpiku izan zen urteetan, baina ez zuela neurririk hartu. Ezer ez egiteaz gain, ez zituela erasotzaileak kargutik kendu.

Abokatu talde batek egin du ikerketa, Municheko Artzapezpikutzak berak eskatuta.

Ratzinger agintean zela gertatutako lau kasutik bitan, «laguntza espirituala» eskaintzen zuten apaizak izan ziren erasotzaileak, eta arduradunek ez zuten neurririk hartu haien aurka.

Ratzingerrek 94 urte dauzka orain, eta 2005etik 2013ra izan zen aita santua, Joan Paulo II.a ordezkatuz. 600 urtean, karguari uko egin dion Eliza katolikoko aurreneko liderra izan da, eta nekea argudiatu zuen. Vatikanoan bizi da oraindik ere.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Zero COVID neurrien aurkako manifestariak, bart, Pekinen. ©MARK R. CRISTINO / EFE

Milaka lagun kalera irten dira Txinan, Zero COVID politiken aurkako protestetan

Paulo Ostolaza

Herrialdeko hiri nagusietan izan dira protestak, tartean, Pekin hiriburuan. Urumqi hiriko sute batean hamar lagun hil izanak leherrarazi ditu manifestazioak.

Gerald Darmanin Frantziak Barne eta Itsasoz Haraindiko ministroa —irudiaren erdian—, gaur, Noumean, bilkura batean ©@GDarmanin

Darmaninek «elkarrizketei berriz ekitea» jarri du helburutzat Kaledonia Berrian

Ander Perez Zala

Urtebetean baino gehiagoan lehen aldiz, independentistek baiezkoa eman diote negoziazioetan parte hartzeari.

Peruko presidente Pedro Castillo (erdian), Ministroen Kontseilua berritu ostea, joan den ostiralean, Liman. ©EFE

Peruko Botere Judizialak Castillori eskatu dio estatuko erakundeak bilera batera dei ditzala, adostasuna lortzeko

Mikel O. Iribar

Gobernuaren eta Kongresuaren arteko tentsioa areagotu egin da azken egunotan; ganberak ezezkoa eman dio presidentearen konfiantza mozioari, eta Ministroen Kontseilua berritu behar izan dute.

Irango emakumeen aldeko protesta, Istanbulen (Turkia), iragan larunbatean. ©EFE / Erdem Sahin

Iranek ez du NBErekin kooperatuko protestetako errepresioa ikertzeko

Maddi Iztueta Olano

NBEk misio independente bat sortu du mobilizazioen aurkako errepresioa ikertzeko. Mahsa Aminiren hilketaren aurkako manifestazioetan 300 lagundik gora hil dituzte, eta 15.000 herritar atxilotu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.