Albistea entzun

Hezkuntza

Apirilaren 7rako hiruzpalau orduko lanuztera deitu du Steilasek

Hezkuntza ituna Eusko Legebiltzarrean onartuko duten egunean egingo dute protesta irakaskuntza publikoan eta Haurreskolak partzuergoko zentroetan.

Steilasek larunbatean egin zuen ezohiko Kontseilu Nagusia. /
Steilasek larunbatean egin zuen ezohiko Kontseilu Nagusia. / BERRIA Tamaina handiagoan ikusi

Maite Asensio Lozano -

2022ko martxoak 30 17:01

EAEko hezkuntza itunaren aurka protestan jarraituko du Steilas sindikatuak. Alderdi politikoen akordioa Eusko Legebiltzarrean onartuko den egunean hiruzpalau orduko lanuztea egingo du ikastetxe publikoetan eta Haurreskolak partzuergoko zentroetan: apirilaren 7an, 07:30etik 11:00etara deitu du protestara, sarrera orduen arabera, eta eskoletan 10:30ean egingo dituzte elkarretaratzeak; bilkura nagusia, berriz, parlamentuaren aurrean egingo dute, 09:30ean. Lanuztearen bidez, itunarekiko desadostasuna adierazi nahi du sindikatuak. «Ez dugu bat egiten prozesuarekin, ezta edukiekin ere», adierazi dute gaur Nagore Landa eta Nagore Iturrioz bozeramaileek, Bilbon egin duten agerraldian.

Akordioaren zirriborroa aztertuta, sindikatuak salatu du hezkuntza sare publikoa eta itunpekoa «parekatu» egingo direla, «ikastetxe pribatuetako finantzaketa blindatu ahal izateko», eta, beraz, hezkuntza publikoa ez dela «ardatz» izango: «Ez du publifikazio marko sendo baten alde egiten; aipamen txiki bat baino ez dio egiten publifikazioari, eta alderdiak ez datoz bat horren esanahian. Segregatzailea den sistema duala normalizatzen eta betikotzen du».

Euskararen aldeko «apustu irmorik» ez egitea ere egotzi dio itunari: «Ikastetxeen esku uzten du ardura. Ez du murgiltzerik aipatzen, ez dira ereduak gainditzen, eta atzerriko hizkuntzei irekitzen die atea, euskararen kalterako». Espainiako Gorteetan onetsitako araudia «berrestea» eta lan baldintzak ez aipatzea ere gaitzetsi du Steilasek.

Deialdia, bakarrik

Hezkuntza itunaren harira, grebarako deia egina zuten ELA, LAB, CCOO eta Steilas sindikatuek martxoaren 25erako, baina aurreko astean alderdiek akordioa lortu zuten, eta lanuztea bertan behera utzi zuten, batasun sindikalean deialdiarekin aurrera egiteko adostasunik ez zela eta. Steilas ez zen bat etorri erabaki harekin, eta orain bakarrik deitu du lanuztera. «Ezin dugu gure borroka geratu une honetan batasun sindikalik ez dagoelako; horrek ez du esan nahi etorkizunean ezin denik berriz aktibatu batasun sindikal hori», azaldu du Iturriozek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ertzaintzaren auto bat, artxiboko irudi batean. ©Monika del Valle / Foku

Adingabe baten heriotza ikertzen ari dira Santurtzin

Berria

15 urte zituen gazteak, eta litekeena da jasotako kolpeen ondorioz hil izana.

Eva Isturiz, Nafarroako Berdintasun Institutuko zuzendaria, Iruñeko Sarasate pasealekuan. ©Idoia Zabaleta, FOKU

«Sexu erasoetan, biktimak bere buruari egotzi ohi dio errua»

Uxue Rey Gorraiz - Nafarroako Hitza

Festetako sexu erasoen kontrako aurtengo kanpaina aurkeztu du berriki Nafarroako Berdintasun Institutuak, Berridatz ditzagun jaiak lelopean. Erasoen gaineko aurreiritziak hautsi beharra nabarmendu du erakunde horretako zuzendari Eva Isturizek.

 ©AEK

Lea-Artibai, erabileran nagusi

Natalia Salazar Orbe - Bizkaiko Hitza

Kaleko neurketen arabera, Lea-Artibai da Hego Euskal Herrian euskara gehien entzun den eskualdea. Ondarroako euskara teknikariak uste du arreta joerari jarri behar zaiola; Lekeition helduengan zelan indar egin aztertuko dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.