Albistea entzun

Prezioak

Inflazioa %10etik urrundu da apirilean

Erregaiak eta argindarra merkatu egin dira martxoarekin alderatuta, baina elikagaiak garestitu egin dira.

Gasolina eta gasolioa merkatu egin dira apirilean.
Gasolina eta gasolioa merkatu egin dira apirilean. Raul Caro / Efe Tamaina handiagoan ikusi

Iker Aranburu -

2022ko apirilak 28

Joan den martxoan %9,6ra heldu zen urte arteko inflazioa Hego Euskal Herrian, azken hamarkadetako kopuru handienera, eta %10etik oso gertu. Apirilean, berriz, koska bat jaitsi da, pixka bat merkatu direlako inflazioa puztu duten bi osagai: argindarra eta erregaia.

Zehazki zenbat jaitsi den maiatzaren 13an jakinaraziko du INE estatistika institutuak, baina, gaur Espainiarako aurreratutako datuak erreferentzia gisa balio baldin badu, %8tik gertuago izango da. Izan ere, Espainian %9,8tik %8,4ra jaitsi da urte arteko prezioen igoera martxotik apirilera.

INEk azaldu duenez, apirilean %0,1 jaitsi dira prezioak, martxoan goia jo ondoren, energia merkatu egin delako; elikagaiek, ostera, garestitzen jarraitu dute.

Argindarraren garestitzea eten izanak azaltzen du, hein handi batean, inflazioaren jaitsiera. Martxoan jo zuen goia, 283 euroan salerosi baitzen megawatt-ordua PVPC tarifa arautua darabiltenentzat —haien fakturak soilik hartzen dira kontuan, eta ez merkatu librean daudenenak, horiek gehiago izan arren—. Apirilean, berriz, 200 eurotik behera egongo da; 189 euro izan da batez besteko prezioa atzo arte, azken egunotan berriro 220tik gora badago ere. Merkatze horretan hainbat faktore daude: batetik, kontsumoa jaitsi egin da; prezio handien ondorioz ez ezik, eguraldi epelago eta argiagoaren ondorioz. Gainera, apirilean handiagoa izan da energia iturri berriztagarrien ekarpena, eguzkiak gogorrago jo duelako eta haizetsuagoa izan delako martxoa baino. Horrek ekarri du gasaren erabilera txikiagoa izatea eta une jakin batzuetan argindarrak euro gutxi batzuen kostua izatea.

Erregaia ere merkatu egin da, apirilaren 1etik indarrean baitago Espainiako Gobernuak onartutako hogei zentimoko deskontua. Horrek konpentsatu du Brent upelak hilabete ia osoa euro dolarretik gora egon izana.

Azpiko inflazioa, gora

Azpiko inflazioak, berriz, gora egin du, %4,4raino. 1995eko abenduaz geroztik ez zuen halako mailarik izan, eta erakusten du energiaren garestitzea ekonomiaren beste esparruetara ere hedatzen ari dela, ekoizleek eta zerbitzu hornitzaileek energiaren kostu handiagoa bezeroei pasarazten dietela.

Azpiko inflazioak ez ditu kontuan hartzen elikagai freskoak eta energia, haien prezioa oso aldakorra delako. Martxoan, %3,5era heldu zen Hego Euskal Herrian.

Pentsatzekoa da inflazioak behera egingo duela maiatzean ere, Espainiako eta Portugalgo gobernuek argindarra merkatzeko tresna bat hitzartu dutelako Bruselarekin: elektrizitatea ekoizteko erabiltzen den gasak gehienez 50 euroko prezioa izango du, eta horrela merkatu arautuan tarifa %30 jaitsi daitekeela ziurtatu du Teresa Ribera Trantsizio Energetikorako Espainiako ministroak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mercedeseko langileek bi pankarta eraman zituzten manifestazioan. ©JAIZKI FONTANEDA / FOKU

Gasteizko Mercedesen hirugarrenez eten dute ekoizpena ekain honetan

Aitor Biain

Sindikatu guztiek elkarrekin egin dute grebarako deialdia bigarrenez, eta erantzun handia izan du. Negoziazioei berrekiteko eskatu diote zuzendaritzari. Jaurlaritzak uste du egoera kezkagarria dela

Ogasunek nekez berreskuratzen duten zorra

Iker Aranburu

Zordun handiek 1.170 milioi euro zor dizkiete ogasunei, iazkoaren pare. Handienak porrot egindako enpresak dira, eta ez dute ordaintzen
Javier Kortajarena Labora Kutxako Lurralde zuzendaria, Ibon Urgoiti, Laboral Kutxako Negozio Garapeneko zuzendaria eta Joseba Madariaga Ikerketa Departamentuko zuzendaria ©Iñigo Uriz / Foku

Hegoaldeko ekonomia %3,6 haztea espero du Laboral Kutxak

Joxerra Senar

Pandemian galdutakoa ia berreskuratu egin dela azaldu du Madariagak. Inflazioak eta hornidura arazoek jarduera ekonomikoa are gehiago geldotu dezakete
 

Tubos Reunidos enpresako behargin bat, tutuak sailkatzen. ©Tubos Reunidos

Tubos Reunidosen salmentak %125 handitu dira maiatzera arte

Julen Otaegi Leonet

220 milioi euroren salmentekin, bost hilabetetan iazko fakturazio ia osoa (243 milioi) berdindu du. 2023. urtean emaitza garbi positiboranzko «dinamikan sartzea» espero du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...