Albistea entzun

Politika

Pablo Gonzalezen eskubideen urraketa arbuiatu du Eusko Legebiltzarrak

EAJk, EH Bilduk, PSE-EEk eta Elkarrekin Podemos-IUk adierazpen bateratu bat adostu dute Eusko Legebiltzarrean. Kezka agertu dute Poloniako agintariak «neurririk gabe erabiltzen» ari direlako kazetariaren behin-behineko atxiloaldia, eta instituzioei eskatu diete urratsak egiteko haren aurkako auziak «berme guztiak» izan ditzan.

Pablo Gonzalez kazetaria
Pablo Gonzalez kazetaria efem0565 /Efe Tamaina handiagoan ikusi

Edurne Begiristain -

2022ko maiatzak 26

Pablo Gonzalez kazetariaren egoeraren inguruan adierazpen bat adostu dute gaur EAJk, EH Bilduk, PSE-EEk eta Elkarrekin Podemos-IUk Eusko Legebiltzarrean. Testuan, lau taldeek «kezka» agertu dute euskal kazetariaren egoeraren inguruan. Gogoratu dute kazetaria otsailaren 28an atxilotu zutela Poloniako zerbitzu sekretuek, atzerriko indar baten aldeko espioitza lanak egitea egotzita, eta orduz geroztik behin-behinean atxiloturik dagoela Rzeszow-ko espetxean. Atzo bertan, Poloniako epaitegiak egoera «bidegabe» hori hiru hilabetez luzatzea erabaki zuen «inolako azalpenik edo justifikaziorik eman gabe», alderdiek testuaren hitzaurrean azpimarratu dutenez.

Horiek hala, lau alderdiek testuan adierazi dute kezkaz ikusten dutela Poloniako agintariek haren aurkako behin-behineko atxiloaldia «neurririk gabe» erabiltzea, horrek Europako Batasuneko Oinarrizko Eskubideen Gutunaren 47. artikulua urratzen duelako. Horri loturik, adierazi dute ez datozela bat Poloniako epaitegien erabakiarekin, eta euskal erakunde eta instituzioei eskatu diete aldarrikatu ditzatela Pablo Gonzalezen eskubideen errespetua Poloniako agintarien aurrean. Halaber, eskatu diete «behar diren kudeaketak» egin ditzatela auziak «berme guztiak» izan ditzan, prozesuan kazetariak pairatu dituen eskubide urraketak amaituta. Eskaera hori Espainiako Gobernuari ere egin diote.

Azkenik, taldeek azpimarratu dute Pablo Gonzalezen atxiloketa eta espetxeratzea albiste txarra dela «gizarte libre eta demokratiko batean oinarrizko bermea den prentsa eta informazio askatasunarentzat».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Abeberriren omenezko ekitaldia, atzo, Miarritzen. ©GUILLAUME FAUVEAU

Abeberriren ibilbide oparoa ohoratu dute

Oihana Teyseyre Koskarat - Garazi Aduriz

«Hats luzeko» abertzale eta kulturgilea izan dute gogoan. Eragile anitzetako ordezkariak izan dira miarriztarrari egindako omenaldian

Eba Blanco (erdian), azaroko biltzarrean, idazkari nagusi izendatua izan ondoren. ©JAVIER ZORRILLA / EFE

EAren primarioak berriz egiteko aginduaren aurkako helegiteak aztertuko dituzte

Xabier Martin

Espainiako Auzitegi Gorenak tramiterako onartu du EAren eskaera, eta alderdiaren primarioak berriz egiteko agindu zuen probintzia auzitegiaren epaia balekoa den ala ez erabakiko du.

Juan Alberto Belloch, artxiboko irudi batean. ©Javier Cebollada / EFE

Juan Alberto Belloch: «Galindo, borrokalari antiterrorista moduan, onena zen»

Iosu Alberdi

Justizia eta Barne ministro ohiak adierazi du bera izan zela Galindori jeneral kargua ematea ahalbidetu zuena, nahiz eta jakin atxilotuak torturatzen zituela.

Donostiako Renferen geltokia. ©GORKA RUBIO / FOKU

Beste geltoki bat aldiriko trenen transferentziaren lokarria askatzeko

Xabier Martin

Laster egingo dute Gasteizek eta Madrilek aldiriko trenen eskuduntza gerturatuko lukeen bilera

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.