Albistea entzun

Zerga sistema

Arabak bi hilabetez atzeratuko du Ticket Bai sistema

Abenduaren 1etik aurrera izango da derrigorrezkoa, urriaren 1etik aurrera izan ordez. 60 urtetik gorako autonomoak ere salbuetsita geratuko dira.

Aldundiko eta merkataritza nahiz enpresarien elkarteetako ordezkariak, gaur, Gasteizen.
Aldundiko eta merkataritza nahiz enpresarien elkarteetako ordezkariak, gaur, Gasteizen. Berria Tamaina handiagoan ikusi

Aitor Biain -

2022ko maiatzak 27 13:56

Arabako Ogasunak bi hilabetez atzeratuko du Ticket Bai fakturazio sistema berria nahitaez ezartzeko epea: 2022ko urriaren 1etik aurrera derrigorrezkoa izatea nahi zuen, baina abenduaren 1era atzeratu du. Halaber, salbuetsi egin ditu 60 urtetik gorako profesionalak eta erretiroa gertu dutenak.

SEA patronalarekin, eta Gasteiz On eta Aenkomer merkataritza elkarteekin bilerak egin ostean hartu du erabakia aldundiak. Izan ere, sistemak kexa ugari sortu ditu, batez ere denda txikien artean, ordenagailu bat eta software bat jartzeko inbertsio bat egitea eskatzen zaielako.

Hain zuzen, Arabadendak ostalaritza eta zerbitzu sektoreetako enpresen federazioak epemuga atzeratzeko eskatu zion diputazioari orain gutxi Arabako Batzat Nagusietan egindako agerraldian. Haien ustez, «ez da garairik aproposena» sistema indarrean jartzeko, izurriaren ondorioei aurre egin ezinik daudelako asko oraindik.

Inkestaren emaitzak

Itziar Gonzalo Ogasun diputatuak azaldu duenez, elkarteek eta profesionalek adierazitako kezkei erantzun die aldundiak epea atzeratuta. «Gure asmoa izan da beti hartu beharreko edozein neurri babestuta egotea, eta aurkeztutako datuek hori bermatzen dute».

Izan ere, elkarte eta federazioek inkestak egin dituzte azken hilabeteetan; sistemaren ezagutzari eta onarpenari buruz galdetu diete negozioei eta profesionalei, eta galdeketa horietan ere azaldu da kezka beste behin. Fakturazio sistema martxan jartzeko data gainean zuten askok, eta hura ezartzeko lanean hasiak baziren ere, badira oraindik ezer egin duenik ere. Gasteiz On elkartean, esaterako, hiru negoziotik batek ez du egokitzapen lanik egin.

Aenkomerren kasuan, galdetutako negozioen %35ek egokitu dute jada sistema, eta beste %30 hasiak dira egokitzen. SEAn, berriz, enpresen %15 hasi dira erabiltzen Ticket Bai fakturazio sistema –%25 zerbitzuen sektorean–, baina gehienak egokitzeko lanetan daude oraindik.

Araban urtarrilaren 1ean hasi zen Ticket Bai borondatez ezartzeko epea. Apirilaren 1etik aurrera, derrigortuta daude zerga aholkularitza enpresak, eta uztailaren 1etik izango da nahitaezkoa farmazientzat eta osasun eta garbiketa produktuen dendentzat. Gainerakoentzat, abenduaren 1etik aurrera izango da orain.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Nord Streamen gas isuri nagusia eten egin da Baltikoan; bigarrena ez

Xabier Martin

Suediak dio ihes handiaren arrastorik ez dela ikusten itsasazalean. Europako gas eskaerak %10 egingo du behera 2022. urtean, IAEren arabera.

Lan istripu bat salatzeko protesta, Garesen. ©IDOIA ZABALETA / FOKU

Alloko Essityn lanean ari zen behargin bat hil da

Xabier Martin

Irailaren 22an Nafarroako paper lantegi horretan lanean ari zela bihotzekoak jota erietxera eramandako behargina da zendu dena.

Greba egun baten berri ematen duen afixa, Donostia Ospitaleko sarrera nagusian. ©Jon Urbe / FOKU

ELAk greba giroa zabalduko du sektore publikoan, KPIaren igoera bermatzeko

Imanol Magro Eizmendi

Kontaktuak hasi ditu beste sindikatuekin, baina LABek nabarmendu oraindik ez duela bat egin eta publikoki kritikatu du ELAk alde bakartasunez eman izana greba asmoen berri.

LABek Bilboko egoitzan antolatutako prentsaurrekoa, gaur goizean ©Oskar Matxin Edesa / FOKU

LABek ostalaritzako hitzarmena nahi du Glovoko langileentzat

Olatz Silva Rodrigo

EAEko Fiskaltzaren aurrean salatu du Glovo, langileen eskubideen kontrako delitu larri eta jarraituagatik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...