Albistea entzun

Espetxeratu duten GKSko kidearen libratzea galdetzeko protesta eginen dute ostiralean

Martuteneko kartzelan sartu dute GKSko kidea, 2018ko ikasle greba baten harira izandako epaiketa baten ondorioz. Haren libratzea galdetzeko manifestazioa eginen dute Baionan ostiralean.

Urruñan egindako elkarretaratzea, ostiralean GKSko kidearen libratzea eskatzeko.
Urruñan egindako elkarretaratzea, ostiralean GKSko kidearen libratzea eskatzeko. Bob Edme Tamaina handiagoan ikusi

Oihana Teyseyre Koskarat -

2022ko maiatzak 30 15:35

Gazte Koordinakunde Sozialistako kide bat atxilotu zuten iragan ostegun gauean, Itziarren (Gipuzkoa). Berehala, Martuteneko kartzelara (Donostia, Gipuzkoa) sartu zuen Ertzaintzak, eta, erran dutenez, sei hilabeteko kondena bete beharko du. Gabi Daraspe Urruñakoa (Lapurdi) da, eta 2018ko ikasle greba baten harira izandako epaiketaren ondorioz sartu dute preso, Kontseilu Sozialistaren arabera. Garai hartako auzian desordena publikoa leporatu zioten, haren abokatuak BERRIAri erran dionez. Hala, Ipar Euskal Herriko Kontseilu Sozialistak «berehala» libratzea galdetu du. Hain zuzen horren aldarrikatzeko, manifestazioa eginen dute heldu den ostiralean, Baionako San Andres plazatik hasita, 19:00etan, Gabi askatu, amnistia osoa lelopean.

Salatu dutenez, GKSko Daraspe asteburuan ezin izan da bere «konfiantzazko» abokatuarekin mintzatu, eta bakartuta egon behar izan du COVID-19aren kontrako protokoloaren ondorioz. Gainera, salatu dute ez duela haren hurbilekoekin telefonoz mintzatzeko aukerarik ukan asteburuan. «Estatuen izaera autoritarioa eta errepresiboa geroz eta agerikoagoa den testuinguru honetan, militantzia politikoaren kontrako ofentsiba salatu eta lan politikoa egiteko baldintzak defendatzea dagokigu», aldarrikatu dute.

EHZ festibaleko antolatzaileek ere atxiloketa salatu dute sare sozialetan. Zehaztu dute festibaleko laguntzailea dela Daraspe. «2021eko ediziotik mugimendu eta antolakunde politiko desberdinetako eta EHZko laguntzaile diren hainbat laguntzailek errepresioa pairatu dute», salatu dute. Bat egin dute ostiraleko protestarekin.

Bestalde, eguerdian elkarretaratze bat egin dute Baionako Etxepare lizeoan. Izan ere, Daraspek bertan lan egiten du. Ikasleek antolatu dute protesta, eta haren askatzea galdegin dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Terrorismoaren Biktimen Oroimenezko Zentroa, Gasteizen ©jaizki fontaneda / FOKU
«Utopien funtzioa energien aktibazioa da»

«Utopien funtzioa energien aktibazioa da»

Jon O. Urain

Nola irudikatu gizarte hobeak, ipar gisa hartu eta bideari ekiteko. Utopiak ez dautza gatazkarik ezean, Martinezen ustez, gatazka «modu justuagoan» kudeatzean baizik. Gizarte hobeak ez baitira «zerutiarrak»: «Beti egongo dira egitekoak».

 ©J. DANAE / FOKU
Jose Maria Aznar eta Felipe Gonzalez Espainiako gobernuburu ohiak, maiatzean, Madrilen. ©BALLESTEROS / EFE

BASOARTE ZARBATSUA

Iosu Alberdi

Espainiako Gobernuak desklasifikatu zituen lehen agiri sekretuak GALen ingurukoak izan ziren, 1997. urtean. Halere, zenbait dokumentu ezkutuan mantentzea erabaki zuen Moncloak, «estatuaren segurtasunaren» izenean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.