Albistea entzun

Alderdiak

EH Bilduk Maria del Rio proposatu du Bilboko alkategai izateko

Zuzenbidean doktorea eta EHUko irakaslea da Del Rio. Barne prozesua ekainaren 5era arte irekita dago.

Maria del Rio, EH Bilduko Mahai Politikoaren hautagaia.
Maria del Rio, EH Bilduko Mahai Politikoaren hautagaia. EH Bildu Tamaina handiagoan ikusi

Iosu Alberdi -

2022ko ekainak 2 12:34

EH Bilduren Bilboko Mahai Politikoak Maria del Rio proposatu du datorren urteko udal hauteskundeetarako hautagai gisa. Del Rio Zuzenbidean doktorea eta EHUko irakaslea da. Politika munduan, Gipuzkoako Foru Aldundiko Politika Sozialeko zuzendari nagusi izan zen, eta koalizio subiranistaren aholkularia Bizkaiko Batzar Nagusietan. Hala, Mahai Politikoak nabarmendu du hautagaiak «ondo» ezagutzen dituela instituzioak.

«Badakigu ahalegin guztiak egingo dituela auzoen eskutik aliantzak sortu eta gehiengoak osatzeko, ezkerreko politikak, parte hartzaileak eta feministak lortzeko», adierazi du Mahai Politikoak, ohar baten bidez. Hala, Del Riorengan «konfiantza osoa» dutela azaldu du: «Bera baita Bilbok behar duen profila elkarrekin bizitza duinak garatzeko espazioak eraikitzeko».

Bilbotarra da Del Rio, eta, sare sozialen bidez zabaldutako mezuan, adierazi du «ilusioa» egiten diola «Bilbo hobetzeko lan egiteak». Hala, «ekarpena egiteko gogoa» adierazi du, eta konfiantza eskertu: «Pozez heltzen diot Bilboko Mahai Politikoaren hurrengo hauteskundeetarako zerrendaburua izateko eskaintzari». Mahai Politikoaren hautagaiak azaldu du «bestelako udal bat« behar duela Bilbok, «gertukoa eta gardena». Del Riok berak adierazi duenez, mugimendu feministako eta giza eskubideen defentsaren aldeko militantea da, eta azken alor horretan zenbait lan egin ditu. Horrez gain, bitartekari gisa ere aritu da.

Bestelako hautagaitzak aurkezteko aukera dute Bilboko EH Bilduko kideek. Mahai Politikoak berak jakinarazi duenez, ekainaren 5era arte zabalik dago barne prozesua, eta ondoren zehaztu beharko du militantziak koalizioaren alkategaia nor izango den.

Datorren urteko udal eta foru hauteskundeetarako hautagaiak zehazten ari da EH Bildu. Jada jakinarazi ditu Gasteizko Udalerako, Arabako Batzar Nagusietarako, Iruñeko Udalerako eta Nafarroako Parlamenturako, Bizkaiko Batzar Nagusietarako zerrendaburuak: Rocio Vitero, Eva Lopez de Arroiabe, Joseba Asiron, Laura Aznal eta Iker Casanova. Azken horri dagokionez ere, ekainaren 5era arte irekita dago barne prozesua.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Ez genuen espero, identifikazio saioa egitea beti ukatu baitigute»

Xabier Martin

Merinok ez zuen espero, 40 urte pasatuta, segadan parte hartu zuten poliziak identifikatzeko saio batera deituko zutenik. Fisikoki aldatu arren, Merino ziur dago aurpegiez: «Haien eskuetatik pasatu garenok badakigu».

Urkulluk ukatu egin du epaiek hizkuntz politikan eragin izana

Urkulluk ukatu egin du epaiek hizkuntz politikan eragin izana

Iosu Alberdi

Euskararen kontrako «erasoei» aurre egiteko, hizkuntzaren inguruko herri akordio bat proposatu dio EH Bilduk Eusko Jaurlaritzari

Sareren manifestazioa Santurtzin, gaur zortzi. ©Aritz Loiola / Foku

Beste sei preso Euskal Herriratuko dituzte

Jon O. Urain

Gainera, beste euskal preso bat lekualdatuko dute Iruñetik Arabako, Bizkaiko edo Gipuzkoako kartzelaren batera.

Lau kideak hil zituzten gunea, Pasai Donibanen. ©Andoni Canellada / Foku

Pasaiako sarraskiko poliziak identifikatzeko saio bat egingo dute

Xabier Martin

Komando Autonomoetako lau kide hil zituzten polizia operazio horretan, eta idenfikazio proba batera deitu du epaileak lekuko bakarra: Joseba Merino. Martxoaren 28an du ordua, Donostiako epaitegietan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.