Euskal Herritik kanpo egindako urte guztietan, gauza asko izan zituen zain Joseba Sarrionandia idazleak, luze. Kartzelan zegoelako lehenik, eta erbesteratua gero, egin ezinezkoak izan zituen kontu ugari. Esate baterako, itsaso zabalak bereizirik, nola izanen zuen Euskaltzaindiaren aitortza aurrez aurre hartzea? 1991ko urtarrilaren 31n, Akademiak euskaltzain urgazle izendatu zuen idazle iurretarra. Gaur jaso du diploma, azkenik.
31 urtez, prozesua guztiz trabatua izan zaie Joseba Sarrionandiari eta Euskaltzaindiari. Hala, Sarrionandia Euskal Herrira bueltatutakoan zabaldu ziren bi aldeen arteko hitzordua gauzatzeko aukerak. Iazko apirilean itzuli zen idazlea, 30 urte baino gehiago erbestean pasatu eta gero. Bilbon izan da gaur, Akademiaren egoitzan. Euskaltzaindiak bideoa plazaratu du bere sare sozialetan eta webgunean.
Joseba Sarrionandiak euskaltzain urgazlearen diploma jaso du, Akademiak izendatu eta 30 urtera.#ekinetajarrai@IdazleElkartea@topagunea@anboto@naiz_info@berria@deia_eus@diariovasco@NoticiasNavarra@eitbAlbisteak@euskadi_irratia@Kanaldude@Iurretabiblio@elcorreo_compic.twitter.com/Qt8TCocH8V
— Euskaltzaindia (@plazaberri) June 3, 2022