Atzo arratsaldean laborari bat hil zen Uztaritzen (Lapurdi), traktoreak azpian harrapatuta. 78 urte zituen. 17:30 inguruan izan zen istripua. Lanean ari zela, errekasto batean irauli zen traktorea, eta laboraria harrapatu zuen. Larrialdi zerbitzuak joan ziren istripua izan zen tokira, baina ezin izan zuten gizonaren bizia salbatu.
Aste honetan traktore istripuz hil den bigarren laboraria da. Asteazkenean 70 urteko laborari bat hil zen Duzunaritze-Sarasketan (Nafarroa Behera). Gizona Azkonzabal auzoko bere soroan ari zen lanean; traktoretik erori zen, eta azpian harrapatu zuen. Zerbitzu medikoak iritsi zirenean, bihotz-biriketako geldialdian zegoen, eta berehala hil zen.
Apirilean 70 urteko beste nekazari bat hil zen, hura ere lurra lantzen zebilela traktoreak harrapatuta. Aste honetako bi heriotzekin eta Garesen hil den eraikuntzako langilearekin, aurten jada 33 langile hil dira lan istripuan, sindikatuen arabera.
