Migratzaileak

Zenbait migratzaileri muga zeharkatzen lagundu diete hainbat lagunek, mozorrotuta

Ehun mugimenduak «lehen burujabetza ekintza» egin du, eta Irundik Baionako Pausaraino eraman ditu Afrikatik iritsitako zenbait lagun

Ekintzan parte hartu duen jendea, mozorrotuta. / Andoni Canellada/Foku Tamaina handiagoan ikusi

Jon Ordoñez Garmendia -

2022ko ekainak 4

Ehun mugimenduak deituta, hainbat lagunek mozorrotuta pasatu dute gaur eguerdian muga Irunen, eta, modu horretan, Afrikatik iritsitako zenbait laguni muga zeharkatzen lagundu diete. Baionako Pausaraino eraman dituzte. «Lehen burujabetza ekintza» gisa izendatu du Ehunek. «Herritartasuna emateko gure eskubidea, eta gure herrian libre mugitzeko eskubidea jarri ditugu praktikan». Uztailaren 4an beste ekintza bat egingo dutela ere aurreratu dute.

«Frantziak erabaki du Afrikatik datozen lagunak ezin direla pasatu Gipuzkoatik eta Nafarroatik Lapurdira, Nafarroa Beherera eta Zuberoara. Erabaki horrek heriotzara eraman ditu bizi hobe baten bila Afrikatik etorritako hainbat lagun. Gure Bidasoa ibaia heriotzaren sinonimo bilakatu dute Frantziak eta Espainiak», salatu du Ehunek ohar batean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna