Albistea entzun
Emakumeen aurkako indarkeriari ez
Emakumeen aurkako indarkeriari ez

Villarejo auzia

Sanchez Galanen aurkako ikerketa artxibatu egin dute

Iberdrolako presidenteari egotzi zioten Villarejo komisarioa kontratatu izana aurkariak espiatzeko. Hamar urtetik gora igaro dira ordutik, eta epaileak ebatzi du gertakariek preskribatu dutela.

Sanchez Galan Iberdrolako presidentea, Espainiako Auzitegi Nazionalera iristen, joan den urtarrilean.
Sanchez Galan Iberdrolako presidentea, Espainiako Auzitegi Nazionalera iristen, joan den urtarrilean. ZIPI / EFE Tamaina handiagoan ikusi

Julen Otaegi Leonet -

2022ko ekainak 23 18:37

Villarejo auzitik onik irtetekotan da Ignacio Sanchez Galan Iberdrolako presidentea. Eta ez da izango frogatu delako ez zituela bere aurkakoak espiatu, baizik eta leporatzen zaizkion delituak ikertzeko epea jada igaro delako. Hala ebatzi du Manuel Garcia Castellon Espainiako Auzitegi Nazionaleko epaileak Sanchez Galanen aurkako auzibidea artxibatu duen epaian. Edonola ere, badago aukera ebazpenari helegitea aurkezteko.

Iberdrolako presidente Ignacio Sanchez Galanek joan den urtarrilean deklaratu zuen Villarejo auziaren harira. Villarejo komisarioarekin lotura zuen Cenyt enpresari ustezko enkargu ilegal batzuk egitea leporatu zioten; Iberdrolak, ordea, Galan «jazarpen kanpaina sistematiko» baten biktima zela ziurtatu zuen, eta gertakariek jada preskribatu zutela.

Epaileak auto judizialean adierazi du «ez dagoela jarduteko tarterik». 2009ra arte egin zituen enkargu horiek Galan presidenteak, eta iaz inputatu zuten. Hortaz, hamar urte baino gehiago igaro dira, eta preskribaturik daude. Horixe bera argudiatu zuen Iberdrolako presidentearen defentsak.

Ustelkeriaren aurkako fiskaltzak hiru delitu leporatzen zizkion: eroskeria, intimitatearen aurkako delitua eta agiriak faltsutzea.

Florentino eta ekologistak

Arcos de la Fronterako (Andaluzia, Espainia) ziklo konbinatuko lantegi bati buruzkoa da garai hartan komisario ohiari agindutako lanen artean ezagunena: udalaren eta ekologisten oposizioa ezabatzea omen zen helburua, haien bizitza pribatuan arakatuz eta auzian zerikusia izan zezaketen epaileekin harremanetan jarriz.

Beste lan bat Florentino Perez ACS eraikuntza enpresako eta Real Madrilgo presidenteari lotutakoa izango litzateke. Perezek Iberdrolako buru izateko urratsa egin zuen 2009an, akzioen %20 erosita, eta hori eragozteko kontratatu omen zuten Villarejo Sanchez Galanek edo haren gertukoek.

Sanchez Galanen ospeari ez ezik, Iberdrolaren negozioari ere eragin dio ikerketak. Izan ere, iazko abenduan Mexiko Berriko (AEB) merkatuen arautzaileak eragotzi egin zuen Bilboko konpainiak PNM Resources konpainia erostea, eta Sanchez Galanen aurkako ikerketa aipatu zuen arrazoien artean.

Oso handia da Villarejo komisario ohiaren itzala Espainiako mundu politiko eta ekonomikoan. Espainiako enpresa boteretsu gehienetara iristen dira komisario ustelaren atzaparrak: hala nola irregulartasunekin nahastu dituzte Francisco Gonzalez BBVAko presidente ohia, Isidre Faine Caixabankekoa eta Antonio Brufau Repsoleko burua.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Merkataritzako langileak greban, Donostiako San Martin merkatal zentroan. ©Maialen Andres / FOKU.

Merkataritzako langileek greba egin dute gaur Bizkaian eta Gipuzkoan

IƱaut Matauko Rada

Soldatak KPIaren arabera igotzeko eta igande eta jaiegunetan lanik ez izateko eskatu dute. Salatu dute sektoreko langile asko eta asko lanaldi partzialean ari direla.

 ©RAUL BOGAJO / @FOKU

Lan itunaren aurkakoek egoera irauli dute Mercedesen, eta argi irabazi

Aitor Biain

ELAk bederatzi ordezkari eskuratu ditu, aurretik baino bi gehiago, eta UGTri hiruren aldea ateratzen dio orain. LAB eta ESK sindikatuek ere ordezkari bana irabazi dute

CCOO, LAB eta UGTren manifestazioa, Bizkaiko metalgintzaren hirugarren greba egunean. ©Oskar Matxin Edesa / Foku

Azken negoziazioak huts egin ondoren, grebarako deia Bizkaiko metalgintzan

Iker Aranburu

Sindikatuek ez dute onartu FVEMen azken proposamena. Patronalak salatu du CCOOk, LABek eta UGTk ez dutela Bizkaian onartu nahi Araban sinatu zuten ituna hobetzen duen eskaintza.

<em>Black friday</em> eguneko iragarkia, Bilboko Kale Nagusiko denda batean. ©OSKAR MATXIN EDESA / FOKU

Kontsumo merkea, garesti

Olatz Silva Rodrigo

Egun bakarra izateari utzi, eta hilabete osoa da orain black friday. Aukera ona izan daiteke bezeroek produktuak merkeago eros ditzaten. Hala ere, saltzaile batzuen arabera, AEBetatik etorritako kanpainak kalte ugari sor ditzake.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.