Albistea entzun

Arrauna

Donostiarra eta Orio izan dira garaile Donostiako badian

Gaur eguerdian jokatu da aurtengo estropada denboraldiko bigarren bandera, eta garaileak ez dira urrutitik iritsi. Eusko Label ligan Donostiarrak eskuratu du bandera, eta Euskotren ligan, Oriok.

Orioko arraunlariak, garaipena ospatzen, Kontxako badian. /
Orioko arraunlariak, garaipena ospatzen, Kontxako badian. / Andoni Canellada/Foku Tamaina handiagoan ikusi

Jon Ordoñez Garmendia -

2022ko uztailak 3 10:13

Garaipenak gaur ez dio ihes egin Donostiarra arraun taldeari. Atzo estropada ona egin zuen Bilbon, baina kateatu egin zen une batean, eta bigarren izan zen, Orioren atzetik. Gaur, baina, lehen postuan helmugaratu dira, eta bandera eskuratu dute, non eta etxean. 20:35eko denbora egin dute etxekoek, eta bost segundoko aldea atera diote bigarren sailkatuari, Hondarribiari. Hirugarren Urdaibai izan da, hamabi segundora, eta laugarren Orio, 25 segundora. Eusko Label Ligako sailkapenaren buru jarri da, gainera, Donostiarra.

Hondarribiarekin aritu da nor baino nor Donostiarra ohorezko txandan. Lehen ziabogara iristerako soilik hondarribiarrak erakutsi dute donostiarren pare jotzeko gai zirela. Orio zortzi segundora zuten ordurako, eta Zierbena, hamabostera. Bigarrenean, Hondarribiak aurrera egiten du, eta parez pare iritsi dira lehen bi ontziak. Hondarribiak bi segundoren aldea izan du hirugarren luzean.

Azken ziabogatik ere ia batera atera dira Donostiarra eta Hondarribia. Etxeko taldeak, ordea, olatu bat baliatu du aurrea hartzeko, eta bi segundo aurreratu dira. Alde hori eskuan, ahalegin handia egin dute arraunlariek, eta azkenean handitzea ere lortu dute azken luzean.

Eusko Label ligako bigarren txandan Urdaibai eta Santurtzi aritu dira aurrez aurre. Bermeotarrek irabazi dute bigarren txanda hori, eta gertu izan dute Getaria ere. Urdaibai bikain aritu da ziabogetan. Estropadako lehen txandan Lekittarrak hobera egin duela baieztatu da. Txanda, ordea, Kaikuk irabazi du, zigortu egin duten arren.

Eusko Label Ligako Bandera Fabrika sailkapena

1 Donostiarra 20:35,57
2 Hondarribia + 05.44ra
3 Urdaibai +12.19ra
4 Orio +25.54ra
5 Getaria +30.52ra
6 Kaiku +38.45era
7 Lekittarra +39.81era
8 Cabo da Cruz +44.91ra
9 Zierbena +46.97ra
10 Itsasoko Ama +47.01era
11 Ares +56.90era
12 Ondarroa +1:01.80ra

Euskotren ligan, atzoko erlojupekoaren ondoren, gaur Donostian jokatu dute bigarren bandera, eta Orio nagusitu da Kontxako badian. Laugarren kalean aritu dira arraunean oriotarrak, eta lehia estua izan dute atzoko garaileekin, Arraun Lagunak taldeko arraunlariekin. Azken metroetan, ordea, indartsuago aritu dira oriotarrak, eta bost segundoren aldea atera diete donostiarrei.

Euskotren ligaren Bandera Fabrika sailkapena

1.- Orio 11:17,54
2.- Arraun Lagunak +04.58ra
3.- Donostiarra +30.36ra
4.- Tolosaldea +31.06ra

Denboraldiko lehen estropada jokatuta, sailkapen nagusian Orio eta Arraun Lagunak daude lehen bi postuetan, zazpina punturekin berdinduta. Donostiarra da hirugarren, lau punturekin, eta Tolosaldea, laugarren, bi punturekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Amaitu da euskal selekzioen aldeko azken mendi martxa

«Euskal selekzioen aldeko aldarria oso apalduta dagoela ikusi dugu»

Paulo Ostolaza

Euskal selekzioen aldeko mendi martxa azken aldiz egin dute aurten. Atzo amaitu zen, Getarian (Gipuzkoa). Iturriaren iritziz, gizarte mugimenduak nahiko garai kritikoan daude orain, «baina ziklo kontua da».

Gorka Aranberri Urdaibaiko patroia, gaur, Getarian irabazitako bandera astintzen. ©Idoia Zabaleta / Foku

Bandera eta lidergoa Urdaibairentzat, Hondarribiaren hutsegite bat tarteko

Paulo Ostolaza

Bigarren ziaboga barnealdetik hartu du Ama Guadalupekoa-k, Urdaibairekin lehian zebilela. Ligan zuen sei punturen aldea galdu du. Euskotren Ligan, Orio gailendu da beste behin ere, eta ia erabakita dago liga.

Mendizorrotza kiroldegiaren kanpoaldea, eraikin osoa ikusten dela. ©jaizki fontAneda / foku

Mendizorrotza kiroldegia, epikoa eta lirikoa

Aitor Manterola Garate

Kirola eta kultura. Saskibaloia eta musika, nagusiki. Baskonia, Araski... eta Gasteizko jazzaldia. 53 urteko eraikina xarmagarri bilakatu da urteen joanean, eta sinbolo bat ere bada.

Urdaibaiko trainerua eta eskifaia atzo Hondarribian, irabazi berri zuten banderarekin. ©MAIALEN ANDRES / FOKU

Lasaitasunaren bandera

Aitor Manterola Garate

Urdaibaik Hondarribia liderraren etxean irabazi du Eusko Label ligako bigarren bandera. Getaria laugarren izan da, eta ohorezko txandan ariko da gaur, etxean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...