Albistea entzun

Euskal presoak

Sare Herritarrak abuztuaren 20an Donostiako kaleak hartzera deitu du

Azken hilabeteetako urratsak «trabaz josita» egon direla salatu dute. Ezinbestekotzat jo dute herritarrak aktibatzea, bidea «muturrera eramateko».

Gaur goizean egidako agerraldia, Donostian.
Gaur goizean egidako agerraldia, Donostian. Gorka Rubio / Foku Tamaina handiagoan ikusi

Iosu Alberdi -

2022ko uztailak 5

Pandemiak eragindako etenaren ostean, Sare Herritarrak berriz baliatuko ditu Euskal Herriko hiriburuetako festak «salbuespen legedia salatzeko» eta «euskal presoen euskal herriratzea bere osotasunean gauzatzeko» eskatzeko. Gaur goizean egindako prentsaurrekoan, Donostiako Aste Nagusiko mobilizazioa aurkeztu dute: abuztuaren 20an egingo dute, Etxera bidea gertu lelopean.

Azken hilabeteetan «salbuespenezko espetxe politikak amaitzeko» egin diren urratsek «poza, esperantza eta gogoa» piztu dizkietela azaldu dute Inaxio Oiartzabal eta Nahikari Iturbe bozeramaileek, eta gaineratu dute bide horrek «aukera berri bat» zabaldu duela: «Aprobetxatu behar dugun aukera bat».

Halere, adierazi dute pausoak «geldoak eta trabaz josiak» direla, eta «bide luzea» geratzen dela egiteko. Izan ere, baimenak eta espetxeko hirugarren graduak lortzeko «oztopoak» jartzen dizkiete euskal presoei. Araba, Bizkai eta Gipuzkoako espetxeetan dauden presoen kasuan, kritikatu dute baimenak eta gradu aldaketak onartu arren Auzitegi Nazionala haiek atzera botatzen ari dela. Gorka Martinez Ahedo eta Iñaki Bilbao Gaubeka presoena izan da azken kasuetako bat. Ekainaren amaieran Basauriko kartzelara (Bizkaia) itzuli behar izan zuten, fiskaltzak haien gradu aldaketari errekurtsoa jarri eta epaileak espetxeratzeko agindu ostean.

Sare Herritarrak gogoratu du oraindik ere euskal presoen %36 Euskal Herritik kanpoko kartzeletan daudela. «Lau urte bete dira Pedro Sanchez presidenteak publikoki esan zuenetik Espainiako Gobernuak prozesu bati ekingo ziola hiru hamarkada luzez aplikatutako salbuespeneko espetxe politika kentzeko eta espetxe politika arrunta ezartzeko», salatu zuten ekainaren 18ko mobilizazioan, Iruñean.

Egoera horren aurrean, «herri aktibazioa eta bultzada» ezinbestekotzat jo dituzte, «hasitako bidea muturrera eramateko». Hala, Donostiako mobilizazioan parte hartzeko deia egin diete donostiarrei eta Gipuzkoako gainerako herritarrei: «12:30ean Bulebarretik jai giroan abiatuko dugun manifestazio koloretsuan, etxera bidea egiteko prest gaudela eta etxera bidea gero eta gertuago dagoela aldarrikatuko dugu». Manifestazioarekin bat egin dute Donostialdeko jai batzordeak eta Donostiako Piratek ere, «jaia eta aldarria» uztartuta.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Etxeratek joan den astean Donostian egindako protesta. ©ANDONI CANELLADA/FOKU

Beste sei euskal preso jarri dituzte hirugarren graduan azken hilabetean

Berria

Guztira, 23 presori eman diete hirugarren gradua Eusko Jaurlaritzak espetxeen eskumena hartu zuenetik.

Maia: «Prentsaren bidez izan dugu PPren erabakiaren berri»

Maia: «Prentsaren bidez izan dugu PPren erabakiaren berri»

Iñaut Matauko Rada

Maiak PPri egotzi dio koalizioa uzteko modua ez dela «egokia» izan. Esan duenez, Nafarroan zentro-eskuinaren liderra UPN izan da «historikoki», eta ez Alderdi Popularra, Telladok esan bezala

2021eko Ospa! eguna, Altsasun. ©Maialen Andres / FOKU

Ospa Eguna irailaren 3an egingo dute Altsasun

Oihane Puertas Ramirez

Espainiako polizia indarrak herritik joan daitezela eskatuko dute Altsasun, Poliziarik ez! Langileon aurkako errepresioa gelditu lelopean.

Blboko agerraldia ©Monika del Valle / Foku

Preso eta iheslarien egoera «normalizatzeko» eskatuko dute manifestazio baten bidez

Gotzon Hermosilla

Sarek eta Bilboko konpartsek batera antolatuta, abuztuaren 26an egingo dute, Bilbon.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...