Albistea entzun

Indarkeria matxista

Ziztada bidezko erasoak salatu, eta indarkeria matxistaren aurka antolatzera deitu dute

Itaiak manifestazio bat egin du Donostian, 'Ziztadarik ez. Erasoen aurrean babesa antolatu' lelopean.

Manifestazioa, gaur, Donostian.
Manifestazioa, gaur, Donostian. Itaia Donostia. Tamaina handiagoan ikusi

Berria -

2022ko abuztuak 13

Bulebarretik hasita egin dute ziztada bidezko emakumeen aurkako erasoak salatzeko manifestazioa gaur, Donostiako Aste Nagusiaren atarian. Ziztadarik ez. Erasoen aurrean babesa antolatu lelopean egin dute Itaiak antolatutako mobilizazioa, azken hilabeteetan izandako ziztadak salatzeko eta horien aurkako «neurri eraginkorrak» abiatzera deitzeko.

Manifestazioaren amaieran, Itaiako kideek gogora ekarri dute emakumeek «egunero eraso mota asko» jasaten dituztela, eta azaldu dute «Euskal Herrian ehun ziztada kasu baino gehiago» salatu dituztela azken asteetan. «Besteak beste, jai giroa emakumeon aurkako erasoak areagotu eta normalizatzeko testuinguru aproposa da. Ziztadek, eta horrek sortutako beldurrak, sozializatzeko espazioetan emakumea une oro babesgabe sentitzera edo zuzenean bertan ez egotera bultzatzen du».

Gainera, salatu dute instituzioek ez daukatela «benetako borondaterik» indarkeria matxista amaitzeko, eta egiten duten bakarra dela «jaietan polizia gehiago jartzea eta hori normalizatzea». Nabarmendu dute, ziztada bidezko erasoei bezala, «indarkeria matxistaren aurpegi guztiei» aurre egiteko antolatu beharra dagoela.

Gasteizko jaietan, esaterako, sei emakumek salatu zituzten ziztadak, eta bi eraso homofobo izan ziren; ukituengatik hiru lagun ere atxilotu zituzten.

Biktima izan diren emakumeentzako arreta zerbitzua

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kilometroak jaia, gaur, Ibarran (Gipuzkoa). ©Gorka Rubio / Foku

«Aro berriko lehen Kilometroak» ospatzen ari dira Ibarran

Berria

Eguraldia lagun, jendetza elkartu da Gipuzkoako ikastolen aldeko jaian. Uzturpe Ikastolako patioa egokitzeko erabili nahi dute festan lortutako dirua.

Atzo goizean antolatutako bi mahai inguruetako bat. ©M. DEL VALLE/ FOKU

Ekotopaketak: egiturazko makur bat zuzentzeko

Iñigo Astiz

Kapitalismoaren dinamikaren ondorio ekologiko eta ekonomikoak elkarrekin aztertu dituzte Ekotopaketen bigarren eguneko goizeko mahai inguruan.

Pantxika Maitia moderatzailea, Jean Baptiste Paoli, Delphine Le Bras, Herve Couture eta Aines Dufau, Ikas-ek atzo antolatu hitzaldian, Baionan. ©BOB EDME

Pedagogia ardatz, indarrak batu

Oihana Teyseyre Koskarat

Hizkuntza gutxituetan ikasmateriala ekoizteko dituzten mugez eta erronkez eztabaidatzeko elkartu dira Korsikako, Okzitaniako, Bretainiako eta Ipar Euskal Herriko adituak, Baionan.

 ©Iñigo Uriz / FOKU

«Gure obsesio izan beharko lukete giza eskubideek»

Edurne Elizondo - Nafarroako Hitza

Kazetaria, idazlea eta ikerlaria. Hitz horiekin osatu du Olga Rodriguez Franciscok bere biografia txikia. Nazioarteko hamaika gatazkaren lekuko izan da. Bazter utzitakoak eraman nahi izan ditu beti erdigunera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...