Lan osasuna

Langile bat hil da Markinan, harritzar batek harrapatuta

Garbiketa eta laguntza lanak egiten ari zela jazo zen ezbeharra, atzo, Lekoitz harrobian. Aurten Euskal Herrian 52 behargin hil dira lanean ari zirela.

Errenterian (Gipuzkoa) egindako elkarretaratzea, bi langileren heriotza salatzeko. Monika del Valle / Foku Tamaina handiagoan ikusi

Julen Otaegi Leonet -

2022ko abuztuak 23

Behargin bat hil zen atzo arratsaldean Markinako Lekoitz harrobian (Bizkaia), harritzar batek harrapatuta, Ertzaintzak jakinarazi duenez. B.F. zuen izena, eta 34 urte zituen. UGTk ohar bidez zehaztu duenez, harria erori eta harrapatuta geratu zen, garbiketa eta laguntza lanetan ari zela.

LAB sindikatuak salatu duenez, harrobian «ez da betetzen» lan osasuneko araudia, eta langileek ez dute prestakuntzarik izan, harrobikoa «arrisku handiko jarduera izanik ere». Gehiengo sindikalak mobilizazioetara deitu du, senide eta lagunei babesa eskaintzeko eta lan osasunean «neurriak har daitezela eskatzeko». Etzi 12:00etan elkartuko dira, Donostiako Miramon pasealekuan, Amenabar Construcciones enpresaren egoitza parean.

Abuztuko bosgarren lan heriotza da Markinakoa. Eraikuntza langile bat eta garraiolari bat izan ziren lehenbizikoak, Errenterian bata eta Elgoibarren bestea (Gipuzkoa); beste garraiolari bat Oiartzunen (Gipuzkoa) hil zen joan den astean; baita basomutil bat ere, Zeanurin (Bizkaia). Sindikatuen arabera, aurten Euskal Herrian 52 behargin hil dira lanean ari zirela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Gaiak

Albiste gehiago

Bizkaiko metala epeldu dute 2026ra arte

Imanol Magro Eizmendi

Bizkaiko metalgintzako sindikatuen gehiengoak eta FVEMek lan itun berria sinatu dute. Lan Sailak akordiora batzeko esan dio ELAri. LABek eskatu du grebalarien aurkako salaketak indargabetzeko

Bittor San Millan Ondarroako Antiguako Ama Itsas Arrantzale Eskolako zuzendaria. ©Jon Urbe / Foku

«Itsasoko lan gogorra gogoko duten gazteak topatzea da erronka»

Ibai Maruri Bilbao - Bizkaiko Hitza

Ondarroako Antiguako Ama itsas arrantzako eskolak egoitza berria du. Erdi mailako gradu berri bat eskaintzeko aukera eman die horrek, eta simulatzaileak erabiltzen hasi dira, Bittor San Millanek azaldu duenez.

Luiz Inacio da Silva <em>Lula</em> Brasilgo presidentea eta Alberto Fernandez Argentinako presidentea Buenos Airesen. ©EFE

'Sur': diru komun berria Hego Amerikan

Iñaut Matauko Rada

Brasilek eta Argentinak, Hego Amerikako ekonomiarik indartsuenek, diru komun berri bat sortzeko bidea hasi dute aurten. Nahiz eta nazioarteko merkataritzan bakarrik erabiliko litzatekeen, galdera asko sortzen hasi dira gaiaren inguruan, Argentinaren egoera ekonomiko eta finantzario makalagatik batez ere.

Adegiko ordezkariak, gaurko prentsaurrekoan. ©FOKU

Lehengaien eta energiaren prezio handiak dira Gipuzkoako enpresen kezka nagusi

Iñaut Matauko Rada

2023an Gipuzkoako ekonomia %0,5 eta %2 artean handituko dela aurreikusten du Adegik. Enpleguaren inguruko datuak pandemiaren aurrekoak baino hobeak direla gehitu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut