Albistea entzun

Energia

Jaurlaritzak «konpentsazioak» eskatu ditu industria sektorearentzat

Bruselara bidali behar duen planerako proposamenak bidali dizkio Espainiako Gobernuari, enpresen eskaerekin. Etendura erregimena «berreskuratzeko» eskatu dio, kogenerazioa laguntzeko, eta erosketa bateratuak ahalbidetzeko.

ArantxaTapia Ekonomiaren Garapenerako sailburua, ostegun honetn Bilbon eginiko agerraldian
ArantxaTapia Ekonomiaren Garapenerako sailburua, ostegun honetn Bilbon eginiko agerraldian Irekia Tamaina handiagoan ikusi

Jokin Sagarzazu -

2022ko irailak 1

Eusko Jaurlaritzak Madrili eskatu dio industria sektoreko enpresak «konpentsatzeko» baldin eta energia horniduran etenik bada edo beren borondatez kontsumoa eteten badute energia konpainiekin adostuta. Hala jaso du Espainiako Gobernuari bidali dizkion eskaeretan. Duela hiru aste aurkeztutako zirriborroari puntu bat gehitu dio, sektorearen proposamenekin. Puntu horretan aipatzen diren neurriak Espainiako Gobernuaren eskumen esklusiboak dira, eta Jaurlaritzak espero du Trantsizio Ekologikorako Ministerioak hil honetan Bruselara bidali behar duen energia aurrezteko kontingentzia planean jasotzea.

Ikusi gehiago: Eusko Jaurlaritzaren kontingentzia plana, osorik.

Neurri nagusietako bat da etendura erregimen deiturikoa «berreskuratzea», «baliabide gehiagorekin» eta gas kontsumora zabalduz. Argindarraren kasuan, mekanismo horri esker Espainiako Sare Elektrikoak enpresa baten hornidura eten dezake larrialdiren bat gertatu delako, eskariak gora egin duelako edo sorkuntzak behera egin duelako. Horren truke, atxikitzen direnek laguntza batzuk jasotzen dituzte. Jaurlaritzaren arabera, konpentsazio horiek araudi berrian berrikusi beharko lirateke, eta gasa erabiltzen dutenei zabaldu. Kontsumoa eteteko prest dauden enpresen fakturak merkatzea izan liteke laguntzetako bat, baina gehiago edo beste mota batekoak ere izan litezke; Jaurlaritzak ez du zehaztu.

Madrili eskatu dion beste neurri bat kogenerazioarekin lotuta dago. Teknologia horrek gasetik elektrizitatea eta beroa sortzea ahalbidetzen du. Enpresa askok —paper fabrikek batez ere— inbertsio handiak egin dituzte horrelako teknologiak beren eraikinetan jartzeko, baina horietako asko geldirik daude gaur egun, gasaren prezioaren ondorioz. Kogenerazioa erabiltzen dutenek, gainera, «zigor» gehigarri bat dute: ekoizten duten elektrizitate guztia saldu behar dute lehenik, eta, gero, sare orokorrari erosi, merkatuko prezioan (garestiago).

Bruselak onartutako eta duela hilabete abian jarritako iberiar salbuespenaren ondorioz, elektrizitatea sortzeko gasa erabiltzen duten ziklo konbinatuko zentralek konpentsazio bat jasotzen dute, baina ez kogeneraziokoek. Ez Espainian, baina bai Portugalen. Jaurlaritzaren ustez, «diskriminatzailea» da ziklo konbinatuko plantak soilik laguntzea.

Horrekin batera, Jaurlaritzak Madrili eskatu dio energia ekoizleen eta kontsumitzaileen arteko «bitartekariaren figura» arautzeko; bide emateko, besteak beste, enpresa batzuk batzeko eta energia erosketa bateratuak egiteko, «prezio hobeagoetan».

Gasa ziurtatzeko neurriak

Jaurlaritzaren arabera, gaur egun arazorik ez dago gas hornidurarekin, baina ohartarazi du egoera asko zailduko litzatekeela Errusiak Nord Stream 1 gasbidea betiko edo denbora luzez itxiko balu —aste honetan, hiru egunez etengo dute, mantentze lanetarako—. Horren aurrean, hainbat proposamen egin dizkio Espainiako Gobernuari.

Batetik, programatuta dauden gas likidotuaren bidalketak «ziurtatzeko», eta iritsiko ez balira zigorrak ezartzeko. Bestetik, Bilboko portuan gasa deskargatzeko beste gune jartzeko eskatu dio, eta ahalik eta azkarrena egiteko. Horrekin batera, Hego Euskal Herriko gasbideen garraio bolumenak handitzeko eskatu dio, eta Frantziako sarearekin mugan dauden lotuneak hobetzeko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Lanbideren bulego bat Donostian ©Juan Carlos Ruiz/Foku

DSBEaren lege proiektua bertan behera uzteko eskatu du ELAk

Aitor Biain

Sindikatua uste du proposamena «oso urrun» dagoela mugimendu sozial eta sindikalen aldarrikapenetatik. Ezkerreko alderdiei eskatu die ordezko proposamenak aurkezteko. 

Ursula von der Leyen Europako Batzordeko presidentea, artxiboko irudi batean. ©OLIVIER HOSLET / EFE

EBk bere enpresak lagunduko ditu, energia trantsizioan atzean ez uzteko

Iker Aranburu

Von der Leyenek agindu du laguntza publikoen araudia bigunduko dutela industria sustatzeko. Batzordeak beste funts bat sortu nahi du proiektuak finantzatzeko, baina kide guztiak ez dira ados

Javier Remirez Nafarroako Gobernuko presidenteorde lehena, parlamentuan ©Jesus Diges / Efe

Nafarroan, Madrilek ez du oztopatuko 3.627 enplegu publiko egonkortzea

Joxerra Senar

Espainiako Gobernuak ez dio foru legeari errekurtsorik jarriko Auzitegi Konstituzionalean, eta uztailean Nafarroako Parlamentuak onartutako legea «bere osotasunean» sartuko da indarrean

Txik Txak garrai sareko autobus bat, Baionan, artxiboko irudian. ©Guillaume Fauveau

Ipar Euskal Herriko garraio zerbitzuko langileak greban sartu dira

Garazi Aduriz - Oihana Teyseyre Koskarat

Txik Txak garraio sareko langileek grebari ekin diote goizean. Salatzen dute egunean hamalau orduko lan txandak dituztela langile eskasiaren ondorioz.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.