Albistea entzun

Alderdiak

Eusko Alkartasunak primarioak egin beharko dituela berretsi du auzitegiak

Ebazpenari ezin zaio helegiterik jarri. «Albiste ona da demokraziarentzat, Eusko Alkartasunarentzat eta EH Bildurentzat berarentzat», adierazi du Maiorga Ramirezek, ildo kritikoko buruak.

Maiora Ramirez, EAko kidetza lau urtez etengo ziotela jakin ostean egniko agerraldi batean, otsailean.
Maiora Ramirez, EAko kidetza lau urtez etengo ziotela jakin ostean egniko agerraldi batean, otsailean. Villar Lopez / EFE Tamaina handiagoan ikusi

Berria -

2022ko irailak 8

Gasteizko Lehen Auzialdiko 7. Epaitegiak arrazoia eman dio Maiorga Ramirez hautagaiari, eta agindua eman du Eusko Alkartasunako idazkari nagusia hautatzeko primarioak egiteko.

Ramirezen hautagaitza baliogabetu egin zuen alderdiko zuzendaritzak, eta Eba Blanco izendatu idazkari nagusi. Geroztik, alderdian aurrez aurre dauden bi taldeak auzitegi gerra batean murgildu dira.

Martxoaren 1ean, auzitegiek ebatzi zuten alderdiak berriz egin behar zituela primarioak. Gaur aginte makila duen Blancoren taldeak, ordea, helegitea jarri zion erabakiari. Helegitea baztertu zutenean, beste bide bat hartu zuen zuzendaritzak ebazpena bertan behera utz zezaten. Baina, oraingoan, helegiterik onartzen ez duen ebazpena plazaratu dute.

Irailaren 2ko data du azken ebazpenak, eta Maria Teresa Trinidad Santos epailearen sinadura dauka.

«Albiste ona da demokraziarentzat, Eusko Alkartasunarentzat eta EH Bildurentzat berarentzat», adierazi du Ramirezek, bere taldeak zabalduriko prentsa agiri batean. «Konponbide demokratiko bat da barne gatazkentzat, eta alderdiaren historiako ziklo ilun hau itxi du».

Aurtengo otsailean, alderdiko Nazio Batzorde Eragileak EAko kidegoa lau urtez eten zien Ramirezi, Iratxe Lopez de Aberasturiri, Mikel Goenagari, Miren Aranoari eta Esther Korresi. Batzordearen arabera, «frogatuta» geratu zen kanporaturikoek «Eskubide, Betebehar eta Diziplina Araudian arau hauste larriak eta oso larriak» egin zituztela.

2017an, EAren ohiko batzar nagusian bi ildo agertu ziren, eta Pello Urizarrena nagusitu egin zitzaion Ramirezenari. Handik aste batzuetara aukeratu zituzten Arabako, Gipuzkoako eta Nafarroako EAko koordinatzaile Lopez de Aberasturi, Goenaga eta Aranoa; hirurak, Ramirezen ildokoak —ildo ofizialaren esku geratu ziren Bizkaiko eta Ipar Euskal Herriko zuzendaritzak—. Harrezkero, desadostasunak nagusi izan dira alderdian: politikoki, besteak beste, EAk EH Bildun izan behar duen rola dago eztabaidagai.

Organikoki, 2019ko urrian gauzatu zuten idazkari nagusia aukeratzeko prozesua; orduan, Hauteskunde Antolaketako Batzordeak lehiatik kanpo utzi zuen Maiorga Ramirezen hautagaitza; 400 bat babes eskuratu zituen Ramirezen hautagaitzak, beharrezkoak zirenak baino gehiago, baina Hauteskunde Antolaketako Batzordeak ebatzi zuen Ramirezek ez zituela aski babes eskuratu Ipar Euskal Herrian, eta, beraz, ez zituela hautagai izateko irizpideak bete. Hori horrela, eta hautagai bakarra izanda, Eba Blanco izendatu zuten idazkari nagusi. Sektore kritikoak auzitara jo zuen, eta Gasteizko Auzitegiak behin-behinean eten zuen izendapen hori. Halere, Blanco jarduneko idazkari nagusi aukeratu zuten, prozesuak iraun bitartean. Blancok azaldu zuen epaiak ez zuela ondorio praktikorik, kongresurako prozesua martxan zegoelako jada.

Egoerak ez du hobera egin harrezkero: iazko urrian ildo kritikoak salatu zuen «jasanezina» dela alderdiaren barruan duten egoera, eta adierazi dute alderdiko ildo nagusiak «isilarazi» egin nahi dituela. Aurrez ere ildo kritikoak «ahotsik ez ematea» egotzi izan dio zuzendaritzari.

Ramirezen arabera, gaur zabalduriko ebazpenaren ostean, «garaia da boto kutxak jartzeko alkartetxeetan».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Jakes Abeberri hil da, Ipar Euskal Herriko abertzaletasun mugimenduan erreferentea

Jakes Abeberri hil da, abertzaletasun mugimenduan erreferentea

Jone Arruabarrena - Ekhi Erremundegi Beloki

Enbata mugimenduaren sortzaileetako bat eta izen bereko aldizkariaren zuzendari izan zen Abeberri. 92 urterekin zendu da.

Usurbilgo udaletxea. ©NOAUA

Usurbilgo Sagardia plazaren izena aldatzea exijitu du Espainiako Gobernu Ordezkaritzak

Xabier Martin

Joxe Martin Sagardia euskal errefuxiatua BVEk hil zuen 1980an, Miarritzen. ETAko ustezko kideen zerrenda batean dagoela esan dio udalari Espainiako Gobernu Ordezkaritzak, eta Terrorismoaren Biktimen Legea urratzen duela plazaren izenak.

Eneko Andueza eta Maria Txibite, bilera ostean. ©Berria

Sozialistak «ongizatearen berme» direla esan dute Anduezak eta Txibitek

Gotzon Hermosilla

PSE-EEk eta PSNk bilera egin dute, eta bi alderdien arteko «lotura estuak» nabarmendu dituzte.

<b>Foru Hobekuntzaren 40. urteurrena ospatu zen atzo Senatuan.</b> ©J.C. HIDALGO / EFE

Txibitek Foru Hobekuntza goraipatu du, «batasun konstituzionalaren barnean»

Joxerra Senar

Senatuan egin da Nafarroako estatutuaren urteurreneko ekitaldi nagusia. Hitzeman du «lehenbailehen» egingo dutela ituna trafiko eskumenari buruz

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.