Albistea entzun

EAJk, PSE-EEk eta EH Bilduk kirolaren legea aurrera ateratzeko akordioa egin dute

Lau ardatz nagusi izanen ditu legeak, eta ohitura osasuntsuak sustatzea da helburua.

Haurrak soka-saltoan jolasten
Haurrak soka-saltoan jolasten Guillaume Fauveau Tamaina handiagoan ikusi

Olaia L. Garaialde -

2022ko irailak 8

Jarduera Fisikoaren eta Kirolaren Legearen alde egin dute EAJk, PSE-EEk eta EH Bilduk. Gaur jakinarazi dute EH Bilduk bat egin duela. «EH Bildu beti dago akordioak lortzeko prest, baina beti edukien arabera. Edukiak onak badira herritarrentzat, onak izango dira guretzat ere, eta akordioetan egongo gara», adierazi du Rebeka Uberak, EH Bilduko legebiltzarkideak. Legeak ohitura osasuntsuak sustatu nahi ditu; Rakel Molina EAJko legebiltzarkideak adierazi du akordioa lortzea «premiazkoa» zela: «Positiboa da, eta legearen helburua eta espiritua islatzen ditu».

Legeak lau ardatz dituela nabarmendu du Uberak: «Bizitza aktibo eta osasuntsuaren kultura eraikitzea, eskolan kirola sustatzea, inklusioa eta kohesio soziala bultzatzea, eta Euskal Herriko lehiaketa esparrua sustatzea».

Uberak azpimarratu du planak «bereziki» kontuan hartuko dituela adingabeak, gazteak eta bazterkeria egoeran daudenak: «Bizitza aktibo eta osasuntsuaren kultura agenda politikoan sartuko da lehenengo aldiz». Horrez gain, kiroldegien iruditeria «klasikotik» urrundu nahi dute, kirola egiteko «gune ireki», «seguru» eta «egokiak» sortzeko.

Alderdiek nahi dute haurrek eta nerabeek eskolan denbora gutxiago pasatzea eserita eta «hezkuntza aktiboa» sustatzea. Horretarako, hiru etapatan egituratuko dute eskola kirola. Haur Hezkuntzan, jarduera fisikoa eta jolas librea sustatuko dituzte. Lehen Hezkuntzan, kirolak helburu ludikoa izatea nahi dute, eta askotariko kirolak sustatu. DBH kirol errendimendura bideratuta egongo da.
Horrez gain, desgaitasunen bat duten kirolariak ohiko kirol federazioetan sartzea nahi dute. «Inklusioa sustatzeko bide askotarikoak zehaztuko dira; hala nola lehiaketa mistoak egitea», gehitu du Uberak.

Euskal Herriko lehiaketak sustatzeko, Euskal Herri osoko federazioek txapelketak antolatu ahalko dituzte, Uberak azaldu duenez: «Euskal selekzioen parte hartzea sustatuko dugu lehiaketa ofizialetan».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Bingen Zupiria Eusko Jaurlaritzako bozeramailea gaurko prentsaurrekoan ©Irekia

Zupiriak esan du Osakidetzaren lan ildoarekin «erresistentzia» agertzeagatik izan direla kargugabetzeak

Edurne Begiristain

Gotzone Sagarduik Eusko Legebiltzarrean agerraldia eskatu du, Donostialdeko ESIaren egoera azaltzeko.

Donostiako ospitalaren atarian gaur goizean egindako protesta bilkura ©Javier Etxezarreta / Efe

Donostia ospitaleko 150 langile inguru batu dira gaur ESIko zerbitzuburuen elkarretaratzera

Edurne Begiristain

Osakidetzaren eta Eusko Jaurlaritzaren kudeaketa salatzeko protesta bilkura jendetsua egin dute goizean ospitaleko atarian. ESIko zerbitzuburuek arratsaldean eskainiko dute prentsaurrekoa.

Aranzadi zientzia elkartea desobiratze lanetan, Urduñako hilerrian ©Irekia

Urduñako espetxe frankistako hogeita hamar presoren gorpuzkiak aurkitu dituzte herriko hilerrian

Berria

Aranzadi zientzia elkartea ari da desobiratze lanetan. Gogora Institutua biktimen senideekin harremanetan jarri da.

EEPko ordezkariek Parisen isiltasuna deitoratu dute

Garazi Aduriz Zuñeda

Irailean egin zuten bilkura Frantziako Hezkuntza Ministerioarekin. Azterketak euskaraz egiteko eskubidea aipatu zuten nagusiki.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...