Kote Cabezudoren auzia

Kote Cabezudoren zigor epaiari helegitea jarri dio biktimen abokatuak

Mario Diez abokatuak sare sozialetan iragarri du hamahiru kasazio errekurtso aurkeztu dituela Espainiako Auzitegi Gorenean Cabezudori ezarritako zigorraren aurka

Martxoaren 7tik apirilaren 13ra bitartean epaitu zuten Cabezudo, Donostian. JON URBE/ FOKU
2022ko irailaren 10a
14:25
Entzun 00:00:0000:00:00

Kote Cabezudo argazkilariaren kontrako salaketa jarri zuten emakumeen abokatu Mario Diezek errekurritu egin du Gipuzkoako Probintzia Auzitegiak ezarritako epaia. Abokatuak sare sozialetan jakinarazi duenez, joan den ostiralean hamahiru kasazio errekurtso aurkeztu zituen Espainiako Auzitegi Gorenaren aurrean, ekainaren 27an Gipuzkoako Auzitegiko 1. Sekzioak Cabezudori ezarritako zigorraren aurka.

Auzitegiko 1. Sekzioak 28 urteko eta bi hilabeteko espetxe zigorra jarri zion Kote Cabezudo argazkilariari, bortxaketa delitu bat, sexu abusuen beste bat, haur pornografiako sei eta bi iruzur delitu egitea egotzita. Ordea, haren espetxealdiak ezingo du hogei urte baino gehiago iraun, eta betetzat jotzen dira behin-behineko espetxealdian egin dituen lau urteak. Beste 217 delitu ere egotzi zizkioten akusazioek, baina horien gaineko absoluzioa eman zuten sententzian. Hori kontuan harturik, zigorrak apalak izan ziren akusazioek egindako eskeekin alderatuta. Fiskalak 250 kartzela urte eskatu zituen; akusazio partikularrak, 2.627.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Kazetaritza propio eta independentearen alde, 2025 amaierarako 3.000 irakurleren babes ekonomikoa behar du BERRIAk.