Albistea entzun

Alderdiak

Gasteizko epaitegiak baztertu egin du Maiorga Ramirezen kaleratzea etetea

EAk lau urtez eten zion afiliazioa, otsailean. Ramirezek kautelazko neurriak eskatu zizkion epaitegiari.

Maiorga Ramirez, kritikoek egindako biltzar batean, otsailean.
Maiorga Ramirez, kritikoek egindako biltzar batean, otsailean. Raul Bogajo / Foku Tamaina handiagoan ikusi

Iosu Alberdi -

2022ko azaroak 9 09:35

Gasteizko epaitegiak ez du tramitera onartu Maiorga Ramirez EAren ildo kritikoko buruak aurkeztutako eskaera, eta, beraz, ez du kautelazko neurririk ezarriko hura eta beste lau kide kritikori militantzia eten izana behin-behinean eteteko.

EAko Nazio Batzorde Eragileak otsailean adostu zuen Ramirez, Miren Aranoa, Iratxe Lopez de Aberasturi, Esther Korres eta Mikel Goenaga alderdikideen kidegoa lau urtez etetea, eta erabakia indarrean dago alderdiaren XIII. Nazio Biltzarreko kongresuaren biharamunetik. EAren arabera, «frogatuta geratu da Eskubide, Betebehar eta Diziplina Araudian arau hauste larri eta oso larriak egin dituztela».

Ramirezek «bidegabekeriatzat» jo zuen erabakia, eta kritikatu zuen afiliazioak aukeratutako pertsonak kanporatu zituztela. Izan ere, Lopez de Aberasturi, Goenaga eta Aranoa Arabako, Gipuzkoako eta Nafarroako koordinatzaileak ziren, eta Korres, Iruñekoa. Hala, kritikoek irailean eskatu zioten epaitegiari kautelazko neurriak hartzeko, erabaki hura behin-behinean eten zezan. Orain, baina, hark uko egin dio tramitera onartzeari. Argudiatu du eskaera hori orain egitea ez dagoela justifikatuta, eta eskatzaileei leporatu die EAren aurkako beste prozesu bat baliatu izana harekin zerikusirik ez duten beste afera batzuk tratatzeko.

Alderdiak sare sozialen bidez adierazi du egia gailendu dela «lawfare estrategiaren» eta EAren jardunaren «une oroko judizializazioaren» aurrean. Era berean, salatu dute Ramirezek eta kritikoek «afiliatuen gehiengoak» hartutako neurrien aurka egin izana.

Egungo zuzendaritzaren eta ildo kritikoaren arteko gatazka ez da berria. Jatorrira jotzeko, bost urte egin behar da atzera, 2017ko ohiko kongresura. Ordutik, okerrera egin du bi ildoen arteko harremanak; besteak beste, EH Bilduren barruan izan beharreko rolaren inguruko desadostasunak tarteko.

Alderdiak otsaileko Nazio Biltzarrean eman nahi zion amaiera aferari. Bilkura hartan, txosten politikoa eta estatutu berriak onartu zituzten, eta zuzendaritza berria aukeratu. Boto eskubidea zuten 249 konpromisarioetatik 133k hartu zuten parte, ildo kritikoko kideek uko egin baitzioten parte hartzeari; bilkura propio bat egin zuten. Halere, epaitegiek ebatzi zuen Eusko Alkartasunak Kongresu Nazionalean hartutako erabakiak etetea, eta datorren asteburuan ezohiko batzar bat egingo dute haiek berresteko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donostiako Renferen geltokia. ©GORKA RUBIO / FOKU

Beste geltoki bat aldiriko trenen transferentziaren lokarria askatzeko

Xabier Martin

Laster egingo dute Gasteizek eta Madrilek aldiriko trenen eskuduntza gerturatuko lukeen bilera

Senpereko herriko etxeko oposizioak ere dimititu egin du

Senpereko herriko etxeko oposizioak ere dimititu egin du

Arantxa Iraola

Urrian hautetsi hainbatek utzi zuten kargua, auzapezaren kudeaketa ereduarekin kritiko

Beatriz Artolazabal eta Ramiro Gonzalez, gaur, Gasteizen ©L. Rico / Efe

Gasteizerako proiektu «kontinuista eta berritzailea» gidatuko duela esan du Artolazabalek

Edurne Begiristain

EAJren Arabako Lurralde Batzarrak Arabako hiru barrutietarako hautagaiak berretsi ditu gaur. EH Bilduk oniritzia eman die Arabako zortzi udalerrietako zerrendaburuei, eta Ahal Dugu-k hiriburuetako hautagaiak aurkeztu ditu.

 ©MARISCAL / EFE

«EAJk 40 urtez egin duen politikan dabil EH Bildu orain»

Xabier Martin

Kupoaren bost urterako akordioa da EAJren legegintzaldiko mugarri nagusietako bat, Sagastizabalen arabera. Nafarroako trafiko eskuduntzari ongietorria egin dio.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...