Albistea entzun

Krisi demografikoa

Jaurlaritzak 100 euroko laguntzak emango ditu hilean 3 eta 7 urte bitarteko hirugarren seme edo alabatik aurrera

Berdintasun, Justizia eta Gizarte Politikoetako Sailak dekretu zirriborro batean jaso ditu laguntza horiek. Neurri horri gehitu behar zaio Jaurlaritzak umeek 3 urte bete arte 2023tik hiru urtera arte emango duen 200 euroko laguntza.

Haur bat adineko pertsona batekin, eskolarako bidean
Haur bat adineko pertsona batekin, eskolarako bidean Iñigo Uriz/ Foku Tamaina handiagoan ikusi

Edurne Begiristain -

2022ko azaroak 11 15:54

Eusko Jaurlaritzako Berdintasun, Justizia eta Gizarte Politiketako Sailak prestatu duen dekretu zirriborroaren arabera, gobernuak 100 euroko laguntzak emango ditu hilean, 3 eta 7 urte arteko hirugarren seme edo alabatik aurrera. Laguntzak unibertsalak izango dira, eta familia guztiei emango zaizkie, diru sarrerak edozein direla ere.

Eusko Jaurlaritzak duela gutxi iragarri zuen hilean 200 euroko laguntza emango duela 3 urte baino gutxiago duen seme-alaba bakoitzeko, familiaren errenta aintzat hartu gabe. Orain, laguntza horri beste bat gehituko die gobernuak: hilean 100 euro emango dizkie familia ugariei. Beatriz Artolazabal Berdintasun sailburuak adierazi duenez, familia horiek, gaur egun, «400, 500 edo 900 euro kobratzen ari dira urtean familia errentaren arabera, eta laguntza sistema berriarekin, berriz, hilean 100 euro kobratuko dituzte» . Hala, laguntza berriekin, urtean 1.200 euroko laguntza jasoko dute.

%33ko edo gehiagoko desgaitasunen bat eta mendetasun egoera aitortua duten haurren kasuan, laguntzak bikoiztu egingo dira. Dekretu berriarekin, familia horiek 400 euro jasoko dute hilean hiru urte arteko seme edo alaba bakoitzagatik, eta 200 euro hilean 3 eta 7 urte bitarteko seme edo alaba bakoitzagatik.

«Etorkizuneko inbertsioa»

Laguntza berri horiei buruz hitz egin du gaur goizean Artolazabalek Eusko Legebiltzarrean. Adierazi du bere sailak seme edo alaba bakoitzarentzat datorren urtean martxan jarriko dituen laguntzak «etorkizuneko inbertsioa» direla. Jakinarazi du 2023ko lehen hiruhilekoan argitaratuko direla laguntza horiek jasotzen dituzten dekretuak, baina, nolanahi ere, urtarrilaren 1etik aurrerako atzerako eragina izango dutela. «Laguntza zuzenen eta politika ausarten aldeko apustua egiteko unea iritsi da», defendatu du Artolazabalek, eta azaldu du ondorio horretara iritsi dela jaiotzak sustatzeko gaur egungo programak ebaluatu ondoren eta «arrakastarik ez» dutela izan egiaztatu ondoren. Sailburuaren iritziz, neurri hori positiboa izango da familiek nahi adina seme-alaba izan ditzaten; gogorarazi du unibertsalak direla eta bateragarriak beste laguntza, prestazio eta hobari fiskal batzuekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Lege proposamenaren bozketaren emaitza. ©Iñigo Uriz / Foku

Mañeru eremu mistoan sartzeko lege proposamena atzera bota dute PSNk eta Navarra Sumak

Joxerra Senar

Proposamena babestu duten lau taldeek ez dute ulertzen sozialistek nolatan baztertu duten Mañeruko Udalak aho batez onartutako eskaera, eta eskuinaren beldur izatea aurpegiratu diote.

Lezetxikiko aztarnategian eginiko indusketa lanak, artxiboko irudi batean. ©Andoni Canellada / FOKU

Lezetxikiko hagin bati esker baieztatu dute neandertalak oso berandu arte bizi izan zirela inguruan

Edu Lartzanguren

Diego Lopez-Onaindia ikertzaileak adierazi du kezkatuta dagoela AHTren lanek kobazuloan eginiko kalteekin. Arrasateko Udalak azalpenak eskatu dizkio Lezetxikin eginiko kalteen «kausen eta erantzukizunen» inguruan

AEBetako Amadako M-113 motako blindatu bat, maniobratan, Hohenfelsen (Alemania) 2015. urtean. ©Spc. Tyler Kingsbury

Madrilek «diskrezioa» eskatu du astelehenean Bilbotik Ukrainara bidaliko dituzten ibilgailu blindatuen inguruan

Edu Lartzanguren

Armen bidalketa NATOko herrialdeekin «erabat koordinatuta» egingo da, Margarita Robles Espainiako Defentsa ministroak gaur esan duenez.

Gaindegiaren webgunea, artxiboko irudi batean. ©

Munduko batez besteko gas emisioak halako bi isurtzen da Euskal Herrian

Iosu Alberdi

Gaindegiak '2022ko adierazle galeria nagusia' txostena osatu du, lan publikoaren eten baten ostean. Datu demografikoak, ekonomikoak, sozialak eta ingurumen arlokoak landu ditu. 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...