Albistea entzun

Durangoko 57. Azoka

Zer musika dakar Durangoko Azokak?

Lehen aldiz, Badok atariak egin du euskal musika taldeek Durangoko 57. Azokan aurkeztuko dituzten nobedadeen zerrenda. 75 lan baino gehiago bildu dituzte oraingoz.

'Badok' atarian bildu dituzte Durangoko Azokako musika nobedadeak.
'Badok' atarian bildu dituzte Durangoko Azokako musika nobedadeak. Durangoko Azoka Tamaina handiagoan ikusi

Andoni Imaz -

2022ko azaroak 11

Hilabete baino gutxiago falta da Durangoko 57. Azoka hasteko, eta dagoeneko entzuteko moduan dago musika zerrenda. Lehen aldiz, zerrenda Badok atarian dago aurten. Euskal musika taldeek azokan aurkeztuko dituzten nobedadeen lagin bat dago han: 75 lan baino gehiago, estilo askotakoak.

Talde batzuen lehen lanak jasotzen ditu zerrendak (Goxua’n Salsa, Esti Markez, Mirua, Kristonak, Benizze), baita musikazaleek ondo ezagutzen dituzten talde batzuen berritasunak ere (Gatibu, Zetak, Eñaut Elorrieta, Izaro, Ines Osinaga...).

Zerrenda astero eguneratuko da, taldeek euren abesti berriak argitaratzen dituzten heinean. Badok-en egoteaz gain, azken urteetan bezalaxe, azokak musika zerrenda bat sortu du Spotify plataforman.

Durangoko 57. Azoka abenduaren 7tik 11ra egingo dute aurten; eztanDA! leloa izango du, eta, aurrez aurreko plaza izateaz gain, Interneteko dendari ere eutsiko dio, hilaren 7tik 10era. Urtero bezala, hamaika kultur jarduera izango dira Durangon egun horietan: disko aurkezpenak, solasaldiak, proiekzioak, antzezlanak... Azokak azaro amaieran aurkeztuko du egitarau osoa.

Zerrendaz gain, Durangoko Azokak aurtengo iragarkia ere aurkeztu du. Landako gunea hutsik ageri da, harik eta gazte batek, musikaren laguntzaz, eztanda egiten duen arte. Uma Bracaglia aktore durangarra da protagonista.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Joaldun bat Ortzaizeko kabalkadan, irailaren 18an. ©PATXI BELTZAIZ

Kultur politikaren eraikuntzan

Joanes Etxebarria

Heldu den otsailaren 4an Euskal Elkargoan kultur politikaren proiektua bozkatuko dute. Proiektuak, eragileen rolak definituz, Euskal Kultur Erakundearena argituko du. Garapen Kontseilua, berriz, ondoko urteetako proiekzioa lantzen hasiko da oraidanik.
Clara Montero Tabakalerako Kultura zuzendaria, eta Ana Teixeira eta Oier Etxeberria erakusketaren komisarioak, atzo, hainbat artistarekin. ©MAIALEN ANDRES / FOKU

Begi bistakoa den armategia

Naroa Torralba Rodriguez

Gaurtik ekainaren 4ra bitarte, Evil Eye erakusketa dago Tabakaleran. Izaro Ieregi eta Azucena Vieites artisten lanak ditu, besteak beste. Jarduera programa bat ere izango du
Claudie Marcel-Dubois eta Maguy Pichonnet-Andral etnomusikologoak. ©Claudie Marcel-Dubois

Bigarren Mundu Gerlaren ondoko grabaketa batzuk, entzungai sarean

Iñaki Etxeleku - Ipar Euskal Herriko Hitza

Frantziako bi ikerlarik 1947an eta 1958an egin euskal kantu, bertso eta soinu grabaketak Interneten entzungai jarri dituzte berriki. Artxibo horiek gehienak aztertzekoak dira oraino.

Bertso Eguna, iaz, Izpuran. / ©Guillaume Fauveau

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.