Albistea entzun

KRISIA OSAKIDETZAN

Donostia aldeko ESIan «pertsonen aldaketa bat» behar zela nabarmendu du Sagarduik

Sailburuak azaldu du zuzendaritza berriak eta Osakidetzako buruzagiek «ikuspegi bera» dutela, eta «gertaera kate baten» ondorioz beharrezkoa zela Donostia aldeko ESIko zuzendaritza aldatzea.

Gotzone Sagardui, Eusko Legebiltzarrean.
Gotzone Sagardui, Eusko Legebiltzarrean. Raul Bogajo / Foku Tamaina handiagoan ikusi

Jon O. Urain -

2022ko abenduak 5

Osakidetzan «erakunde guztiek rol jakin bat dute, eta horiek osatzen dituzten pertsonek ere bai». Proiektuak «partekatua» izan behar du: «Sare bat gara». Eta Donostia aldeko ESIan, «halako batean, motibo batengatik edo beste batengatik, batzuek ez dute ikuspegi hori partekatzen». Horrek, «gertaera kate baten» ondorioz, «gomendagarri» egin du «pertsona aldaketa bat»: ikuspegiak «partekatzeko zailtasunak» zituztelako.

Hitz horiekin azaldu du Gotzone Sagardui Eusko Jaurlaritzako Osasun sailburuak zer gertatzen ari den Donostia aldeko ESIan. Iragarri baino hiru ordu laurden geroago, Sagarduik agerraldi bat egin du Donostia aldeko ESIko egoeraren berri emateko, baina ez du zehaztu zein diren zuzendaritza aldaketa beharrezko egin duten gertaera horiek. «Arduradun aldaketak sarri gertatzen dira, ohikoa da», gaineratu du. Orain, zuzendaritza taldea berregituratzen ari dira.

Ikusi gehiago: Sagarduik ez luke karguan segi beharko, EH Bilduren arabera

Sagarduik azaldu du ez direla desadostasun «bat edo bi» izan Osakidetzaren eta erakunde sanitario integratuaren zuzendaritzaren arteko desadostasunak, eta bien arteko ikuspegi desberdintasuna sakonagoa zela.

Bestalde, Sagarduik azaldu du Agustin Agirrek hartu duela zuzendari kudeatzailearen kargua, eta Ana Bustinduik zuzendari medikoarena, eta Agirrek lehen bilera izan duela jada Osakidetzako zuzendaritza nagusiarekin eta Donostia aldeko ESIko zuzendariorde eta zerbitzuburuekin. Lehen eginkizuna zera izan da, «harremanak hastea, ospitalea eta osasun erakundea nola dauden aztertzeko». Sagarduik gaineratu du zuzendaritza berriak eta Osakidetzako zuzendaritzak «ikuspegi bera» dutela orain osasun zerbitzuak izan behar duenaz.

Egunotako kritika eta adierazpenei buruz, Sagarduik esan du horiek entzuteko eta «elkarrizketa eraikitzaile bat» izateko prest dagoela, eta «lasaitasuna, esker ona eta aintzatespena» adierazi die langile guztiei, haien lanagatik.

Ikusi gehiago: Agustin Agirre izendatuko dute Donostia aldeko ESIko jarduneko zuzendari

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sindikatu Medikoko kideak, atzo, greba hasi aurreko elkarretaratze batean. ©VILLAR LOPEZ / EFE

Ultimatuma eta greba hotsak

Ion Orzaiz

Sindikatu Medikoak ezezko borobila eman dio Nafarroako Gobernuaren eskaintzari, eta grebari eutsi dio. Eskaerak: soldata igoera handiagoa, esklusibotasuna eta gobernuaren solaskide bakarrak izatea
Mutilentzat bakarrik den Erain ikastetxea, Irunen (Gipuzkoa), artxiboko irudi batean. ©GORKA RUBIO / FOKU

Jaurlaritzak ituna eten egingo die sexuka bereizten duten eskolei

Edurne Begiristain

Hurrengo ikasturtetik aurrera kenduko zaie finantzaketa. Bildarratzek esan du «ahalik eta modu adostuenean» egin nahi dutela prozesua, eta ikastetxeekin harremanetan direla
 ©JON URBE / FOKU

«Diktaduraren aurkako indarkeria kondenatu beharra ez dut ulertzen»

Xabier Martin

Frankismoak 1960tik 1975era Gipuzkoan eragindako biktimak identifikatzeko ikertzen aritu da. Uste du erakunde batzuk«deseroso» daudela ETA sortu zeneko aro historiko horri erreparatzean.
Presoak desfilatzen, 1960ko hamarkadan, Langraiz Okako espetxean (Araba); Alfer eta Gaizkileen Legearen arabera kartzelatu zituzten horietako asko. ©JAVIER GOMEZ

Moral bikoitzak kondenatuak

Iraia Vieira Gil

'Alferrak eta gaizkileak' izateagatik atxilotu zituztenak omentzeko erakusketa bat egin du aldundiak Gasteizen. Orduan ahotsik izan ez zutenei lekua eman nahi izan diete gaur.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.