Albistea entzun

Energia berriztagarriak

Energia berriztagarrien bost azpiegiturari ingurumen baimena eman diete

Arabako Labrazako proiektuak baimena jaso du, baita Nafarroako beste lau proiektuk ere. Laminorian (Araba) bitariko azpiegitura berriztagarri bat eraikitzeko proiektua ere aurrera doala iragarri du Aixeindarrek: haize errotak eta eguzki plakak izango ditu, eta 80 megawatt ekoitziko ditu guztira.

Oñatiko parke eolikoa.
Oñatiko parke eolikoa. JUAN CARLOS RUIZ/FOKU Tamaina handiagoan ikusi

Jone Arruabarrena -

2023ko urtarrilak 26

Eusko Jaurlaritzak joan den astean jakinarazi zuen Labraza eta Azazetako (Araba) proiektu eolikoek aurrera segitzen dutela. Labrazak aldeko adierazpena jaso zuen jada ingurumen inpaktuari dagokionez, eta Aixeindarrek gaur jakinarazi du Azazetakoak ere jaso duela jada —sozietate publiko horrek eraikiko ditu bi parkeak—. Nafarroan ere beste lau parke eolikori eman die gobernuak ingurumen baimena.

Aixeindarrek esan duenez, «energia erabat berdea» ekoiztuko dute Azazetako eta Labrazako parkeek, eta 470 lanposturaino sortuko dira «lan askoko aldietan». Bakoitzak 40 megawatt ekoitziko ditu, eta horiek eraikitzeak 169 milioiko kostua izango du. Horrez gain, azaldu du «107.000 etxe hornitzeko energia» ekoitziko dutela, eta atmosferara 50.000 tona CO2 botatzea eragotziko dela.

Ikusi gehiago: Berriztagarrien ingurumen baimena jasotzeko baldintzak malgutu dituzte

Nafarroakoei dagokienez, atzo bukatzen zitzaion administrazioari proiektu horiek onartu eta baztertzeko epea, eta sei eskaera tramitatu ditu: Cascante II eta Murchanteko parke eolikoak —lehenari baimena eman diote, baina bigarrenari ez— eta Castejongo Cierzo IV, Tuterako Ebro I eta La Nava, eta Cascanteko El Salsillo eguzki parkeak. Horien artean Cierzo IV eta Ebro I parkeei baiezkoa eman diete, eta La Nava parkeari emandakoa «partzialki aldekoa» izan da. Azken baimen horiek kontuan hartuta, Nafarroako Gobernuak 69 eskaera tramitatu ditu legegintzaldi honetan, eta horietako 35 proiekturi eman diete ingurumen baimena—1.400 megawatt ekoiztuko dituzte guztira—.

Bitariko azpiegitura bat Laminorian

Arabako Laminoriako Erret Haranean ere beste egitura berriztagarri bat egiteko proiektuaren berri ere eman du Aixeindarrek. Ingurumen eraginaren baimenaren zain dago egitura hori oraindik. Haize errotak eta eguzki plakak izango ditu, eta bakoitzak 40 megawatt ekoitziko ditu. Jakinarazi du hiru proiektuek badutela jada sarbidea ebakuazio sarera.

«Jaurlaritza legea urratzen ari da»

Jaurlaritza parke berrien proiektuekin aurrera doala ikusita, EH Bilduk kritikatu du gobernuak Plan Sektoriala onartu gabe amaituko duela legealdia. Hain zuzen, Mikel Otero legebiltzarkideak galdetu du ea nola den posible energia berriztagarrien zentralak egingo direla iragartzea eta martxan jartzea lurralde plangintza egokirik gabe. Hori argitzeko, Arantxa Tapia Jaurlaritzako Ekonomia Garapen eta Azpiegituretarako sailburuari eskatu dio legebiltzarrean agerraldi bat egiteko.

Horrez gain, Oterok adierazi du «kezkatuta» dagoela Tapiak Lurralde Plan Sektorialaren inguruan egindako adierazpenekin; izan ere, adierazi zuen «gutxienez urte eta erdi» falta dela oraindik energia berriztagarrien hedapena arautu eta ordenatu behar duen dokumentu hori onartzeko. Oterok atzerapen hori gaitzetsi du: «Bi urteko atzerapena nahikoa ez balitz bezala, orain Tapiak esaten digu legea urratzen jarraitzeko asmoa duela eta energia berriztagarrien garapena behar bezala antolatzeko ezinbestekoa den plan hori ez dela 2025a baino lehen onartuko».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sindikatu Medikoko kideak, atzo, greba hasi aurreko elkarretaratze batean. ©VILLAR LOPEZ / EFE

Ultimatuma eta greba hotsak

Ion Orzaiz

Sindikatu Medikoak ezezko borobila eman dio Nafarroako Gobernuaren eskaintzari, eta grebari eutsi dio. Eskaerak: soldata igoera handiagoa, esklusibotasuna eta gobernuaren solaskide bakarrak izatea
Mutilentzat bakarrik den Erain ikastetxea, Irunen (Gipuzkoa), artxiboko irudi batean. ©GORKA RUBIO / FOKU

Jaurlaritzak ituna eten egingo die sexuka bereizten duten eskolei

Edurne Begiristain

Hurrengo ikasturtetik aurrera kenduko zaie finantzaketa. Bildarratzek esan du «ahalik eta modu adostuenean» egin nahi dutela prozesua, eta ikastetxeekin harremanetan direla
 ©JON URBE / FOKU

«Diktaduraren aurkako indarkeria kondenatu beharra ez dut ulertzen»

Xabier Martin

Frankismoak 1960tik 1975era Gipuzkoan eragindako biktimak identifikatzeko ikertzen aritu da. Uste du erakunde batzuk«deseroso» daudela ETA sortu zeneko aro historiko horri erreparatzean.
Presoak desfilatzen, 1960ko hamarkadan, Langraiz Okako espetxean (Araba); Alfer eta Gaizkileen Legearen arabera kartzelatu zituzten horietako asko. ©JAVIER GOMEZ

Moral bikoitzak kondenatuak

Iraia Vieira Gil

'Alferrak eta gaizkileak' izateagatik atxilotu zituztenak omentzeko erakusketa bat egin du aldundiak Gasteizen. Orduan ahotsik izan ez zutenei lekua eman nahi izan diete gaur.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...