Albistea entzun

Kultura

Fernando Mendizabal euskaltzain urgazlea zendu da

'Jakin' aldizkariaren sortzaileetako bat izan zen, eta aldizkari horretan eta Goiz-argi eta Euskera-n argitaratu zituen lanik aipagarrienak. 1964an izendatu zuten urgazle.

Berria -

2011ko martxoak 23

Fernado Mendizabal euskaltzain urgazlea hil zen atzo, Donostian, 76 urte zituela. Zaldibian jaio zen, 1934ko abenduaren 15ean. Fraide frantziskotarra izana da. Duela 30 urte inguru, fraide izateari utzi zion. Jakin, Goiz-Argi eta Euskera agerkarietan eman zituen argitara lan aipagarrienak.

Imanol Berriatuaren ikasle izan zen. Iñaki Bereziartua, Iñaki Bastarrika, Imanol Urbietarekin batera, Jakin aldizkaria sortu zuen taldekidea. Gero beste batzuk etorri ziren: Joseba Intxausti, Jose Azurmendi, Zurutuza eta Torrealdai, horiek izan baitziren aldizkaria egiteko erronka beren gain hartu zutenak.

Itzulpen nagusiak hauek dira: Maria (1957, Perez Lozano), Tantan lapurretan (1959, A. Montero), Lau Ebanjelioak (1962) eta  Prolegomenoak (Inmanuel Kant, 1995), Hezkuntza eta Soziologia (Emile Durkheim, 1993; Paulo Iztuetak eginiko itzulpena, bera zuzentzaile). Urte askotan UZEI elkartean lan egin zuen eta elkarlanean liburu ugari argitaratu zituen. Udako Euskal Unibertsitatearekin ere kolaboratu du.

Euskaltzaindiak 1964ko urriaren 30ean izendatu zuen urgazle. Erakundearen barnean, 1981ean Aditza batzordean lan egin zuen.

Argitaratutako lanen artean, honako hauek daude:

• Eusebio Erkiaga (artikulua, 1960)
• Lau Ebanjelioak (elkarlanean, 1962)
• Euskal Gramatika; Lardizabalen euskeraz zertxobait (artikulua, 1956)
• Maria (itzulpena, 1957)
• Tantan lapurretan (itzulpena, 1959)
• Euskaldunentzat oiñarrizko gramatika euskeraz (gipuzkoeraz nagusienik) (1969)
• Gramatika txikia euskeraz (Euskera batuan) (1972)
• Oihaneko gauza harrigarriak (itzulpena, 1975)
• Kristau bidea (itzulpena, 1975)
• hainbat hiztegi, elkarlanean: (H) Zuzenbidea hiztegia (1987),  Zuzenbidea hiztegia 1 eta 2 (1987); Administrazioa eta zirkulazioa hiztegiak (1983); Enpresa hiztegia (1981); Politika hiztegia 1, 2, 3, eta 4 (1980)
• Aurrezki kutxak liburua 1983
• Autonomi Estatutuaren itzulpenak (1980)
• Gizakiaren filosofia ilustraturik antropologia filosofikora (itzulpena, 1997)
• Metafisikako diskurtsoa. (itzulpena, 1997)
• Elkarrizketak. (artikulua 1996)
• Kirol hiztegiak: Atletismoa, Futbola, Pilota (1994)
• Hirigintza hiztegia (1994)

Elizen arteko bibliaren itzulpen taldearekin kolaboratu zuen.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Askotariko lanak bildu dituzte erakusketan. Irudian, Marianna Christofides artistaren <em>It Exhausts my Elbow</em> proiektuko (2018) zenbait diapositiba. ©GORKA RUBIO / FOKU

Belaunaldi baten uzta

Ainhoa Sarasola

Bost urteotan Donostiako Tabakaleran egonaldia egin duten zenbait artistaren obrak ikusgai jarri dituzte zentroan, aurreneko aldiz, 'Estudiotik at' erakusketan

Don Inorrez taldeko abeslari eta gitarra jotzaile Imanol Ubeda, kontzertu batean. ©MONIKA DEL VALLE / FOKU

Bizipenen eta gogoeten laburpena

Olatz Enzunza Mallona

Don Inorrez musika taldeak 'Esku hutsik' bigarren lan luzea plazaratu du. Hamar kantuz osatuta dago, eta aurreko lanaren jarraipen gisa deskribatu dute

 ©JON URBE / @FOKU

Goi mailako joskintzaren argi-ilunak, 1920etako Paris bohemioan

Amagoia Gurrutxaga Uranga

'Distira eta alderantzia' nobela laburra aurkeztu du Joxean Agirrek, Elkar etxearekin. 'Ispiluak eta itsasoak'-ekin hasi zuen trilogiaren segida da

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.