Albistea entzun

EUSKARA

Itunpeko euskaltegiek ohartarazi dute %25etik gora jaitsi direla izen emateak

Euskaltegietako ordezkariek uste dute krisi ekonomikoak eta euskarak "prestigioa" galdu izanak eragin dutela jaitsiera hori. Bilera egin dute Jaurlaritzarekin, zer egin aztertzeko. Jaurlaritzak dio kanpaina amaitu arte itxaron behar dela analisi sakona egiteko.

Garikoitz Goikoetxea -

2012ko irailak 28 16:22

Itunpeko euskaltegiek alarma deia jo dute: behin-behineko datuen arabera, %25 baino gehiago egin dute behera izen emateek. Horrek kinka larrian utziko dituela ohartarazi dute. Gaur goizean bilera egin dute Eusko Jaurlaritzako Hizkuntz Politikarako Sailburuordetzarekin, zer egin aztertzeko. Jaurlaritzak esan die egoera zertan den aztertuko duela, baina azaldu die oraindik ere denbora falta dela matrikulazio kanpaina ixteko eta epea amaitutakoan egin behar dela analisi sakona.

Bi arrazoi ikusi dituzte jaitsiera handi horren atzean euskaltegiek, Mertxe Mugika AEK-ko ordezkariaren esanetan: krisi ekonomikoa eta euskarak "prestigioa" galdu izana. "Beste hizkuntza batzuk ikastera jo du jendeak", ohartarazi du. Haren hitzetan, hori gertatu da azken urteetako hizkuntz politika "okerra" izan delako. Hegoaldeko lau herrialdeetan egin du behera matrikulazioak, Mugikaren arabera. "Iparraldean dugu itxaropenerako tartea: iazko paretsu gabiltza".

Eusko Jaurlaritzak eta euskaltegiek urriaren 8rako jarri dute beste hitzordu bat. Ordurako datu xeheagoak izango dituzte izen emateei buruz. Bilera horretan, "malgutasuna" eskatuko diote euskaltegiek gobernuari; hots, gelak-eta sortzeko irizpideetan zurrun ez jokatzeko, egoera ikusita.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.