Basagoitirekin ere ez

Anekdotarako gutxitxo eman du goizeko saioak. Arratsaldean ere saltsarik ez.

Antonio Basagoiti, gaur.
Antonio Basagoiti, gaur. / Raul Bogajo/ARP

E. Esnaola -

2012ko abenduak 12

"4, 3, 2, 1... [segundo]", esan du Laura Mintegi EH Bilduren lehendakarigaiak bere hitzaldiaren bukaeran, eta amaitutzat eman du ordu eta erdiko saioa. Neurtu-neurtuta zeukan, beraz, bere estreinaldi parlamentariorako. 11:00ak pasatxo zirela bukatu du, esan beharrekoa esan ondoren, gai batzuetan "arinago" ariko zela iragarri duen arren.

Minutu bat beranduago hasi da hizketan beste lehendakarigaia: Iñigo Urkullu (EAJ). Pare bat minutura, ordea, isildu egin behar izan du une batez, Celsa Atlantic enpresako —lehengo Laminaciones Arreguiko— langileek harmailetan kartelak erakutsi dituztenean hitzaldia eten baitu Bakartxo Tejeria Eusko Legebiltzarreko presidenteak. Ez da liskarrik sortu, eta diskurtsoari ekin dio berriro hautagai jeltzaleak.

Bi hizkuntzatan mintzatu dira biak ere, tartekatuz: euskaraz eta espainolez. Euskaraz hasi dute hitzaldia.

Gatazkaren konponbidea, bizikidetza, presoak, krisia... izan dituzte hizpide, Mintegik "politika egiteko beste modu bat" ere bai, eta Urkulluk, "Euskadik mundu ekonomikora" irekitzen jarraitu behar duen honetan, Juan Sebastian Elkano eta zortzimilako tontorrak egin izan dituzten mendizaleak aipatu ditu.

Anekdotarako gutxitxo eman du goizeko saioak. Arratsaldean tokatzen zen, kasu, Antonio Basagoiti, baina harekin ere saltsarik ez. Haretxen hasierak sortu du pasadizo txiki bat, Tejeriak hitza Basagoitiri ez, baizik eta Arantza Quirogari eman dionean —Quiroga izango da PPren taldeko bozeramailea legealdi honetan, baina gaur EAEko PPko presidentea zen mintzatzekoa—.

Arratsaldeko hitzaldietan, Gorka Maneirok (UPD) espainolez egin du mintzaldia, euskalduna den arren, eta erantzunen txandan Mintegi hari euskaraz hasi zaio ihardesten, baina pare bat segundora ”cambio de chip” ["txip aldaketa"] esan du, keinu bat eginez, eta espainolez ekin dio erantzunari.

Andoni Ortuzarrek jarri dio bozketari originaltasun puntua. "Abstentzioa", "Iñigo Urkullu Renteria" eta "Laura Mintegi Lakarra" esatera mugatu dira 74 legebiltzarkide. Ortuzarrek, ordea, "Urkullu'tar Iñigo" esan du.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan, 224 kasu atzeman dituzte. Positiboetatik 123 Bizkaian detektatu dira.

Errepidea blokeatuta Manilan, kasu kopuru handiaren ohartarazpena egiten duen kartel batekin. ©FRANCIS R. MALASIG / EFE

COVID-19ak munduan hemezortzi milioi kasuren langa gainditu du

Jone Bastida Alzuru

OMEk ohartarazi du kasuak bikoiztu egiten direla sei astetik behin. Erakundearen arabera, baliteke inoiz ez egotea sendabiderik. Uztailean inoiz baino kasu gehiago hauteman dituzte munduan

Karpak jarri dituzt basurto ospitalearen kanpoaldean, PCR probak egiteko. ©Javier Zorrilla/EFE

PCR proba egitera deitu ditu Jaurlaritzak Bilboko Fever diskotekan eta Erandiogoikoko batzokian egon zirenak

Berria

Bihar goizean hasiko dira testak egiten. Diskotekarekin lotutakoei, Basurtuko ospitalean, eta batzokian izandakoei, Urdulizkoan.

Hiru pertsona maskara jantzita ©Jon Urbe / FOKU

Gazte Kontseiluak sare sozialetan kanpaina bat hasi du maskarak erabiltzera deitzeko

Aloña Beraza Peña

Bi bideo egin dituzte eta sare sozialetan, telebistan eta komunikabideetan zabalduko dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna