Albistea entzun

EUSKAL HERRIA

New Yorkeko euskal etxeak berretsi du Jaurlaritzak planto egin zuela Izagirreren mezua ez erakusteko

Ohar bat plazaratu du, ingelesez eta gaztelaniaz, euskal etxearen mendeurreneko ospakizunetan gertatutakoa azaltzeko. Halaber, Juan Karlos Izagirreren mezua eskegi du euskal etxeak bere webgunean.

Jon O. Urain -

2013ko urriak 17 09:41

Atzoko zabaldu zen New Yorkeko Euskal Etxearen mendeurreneko ospakizunean Jaurlaritzak debekatu egin zuela Juan Karlos Izagirre Donostiako alkatearen zorion agurra erakustea, eta plazaratutako informazioen inguruan bere bertsioa plazaratu du euskal etxeko zuzendaritzak.

Azaldu duenez, euskal etxeak hainbat ordezkari gonbidatu zituen ospakizunera, Izagirre tartean. Hark adierazi zien ezin zuela joan, baina mezu bat helarazi zien, festan erakutsi zezaten. Mezu hori garaiz iritsiko ote zen ez zekiten antolatzaileek; ospakizunaren egun berean jaso zuen euskal etxeak bideoa, eta hura erakusteko asmoa azaldu zion Jaurlaritzari.

Euskal etxeko ordezkarien arabera, Jaurlaritzak uko egin zion bideoa festan erakusteari, baina asmo hori berretsi zuten euskal etxekoek. Hala, hotelean itxarotea eta ospakizunera ez joatea erabaki zuten Jaurlaritzako ordezkariek, euskal etxekoek beren asmoan atzera egin arte.

Hasi zen festa, Jaurlaritzako ordezkaririk gabe. Ordubete geroago, eta Urkulluren presentziak sortutako "ikusmina" aintzat hartuta, euskal etxeak azaldu du Jaurlaritzaren eskaerari men egin ziotela.

"Tristura" eta euskal erakundeekiko, Jaurlaritzarekiko eta lehendakariarekiko errespetua azaldu ditu euskal etxeak gertatutakoaren inguruan. Nabarmendu du helburu nagusia euskal etxearen "independentzia" gordetzea izan zela.

Atzo, Jaurlaritzak onartu zuen desadostasunak izan zituela euskal etxeko zuzendaritzarekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.