Noiz sortua: 2013-11-27 17:19:23

EUSKAL HERRIA

Bina urteko zigorra ezarri diete 'tartalariei', Barcinari tartak botatzea egotzita

Gorka Ovejerok, Julio Villanuevak eta Ibon Garciak "atentatua" egin zutela ebatzi du Espainiako Auzitegi Nazionalak. Mikel Alvarezi urtebeteko zigorra ezarri dio, "konplize" izatea egotzita.

Epaituak Auzitegi Nazionaletik ateratzen, hilaren 18an.
Epaituak Auzitegi Nazionaletik ateratzen, hilaren 18an. J. Danae/ARP

Jon O. Urain -

2013ko azaroak 27

Bina urteko zigorra eta hiruna hilabeteko isuna ezarri die Espainiako Auzitegi Nazionalak Gorka Ovejerori, Julio Villanuevari eta Ibon Garciari, Yolanda Barcina Nafarroako Gobernuko presidenteari 2011n tartak jaurtitzea egotzita. 10 euro ordaindu beharko dituzte egunero hiru hilean zehar. Ebazpenean, epaileak azaldu lau auzipetuek ez dutela aurrekaririk. Beraz, ez dira espetxera joango.

Mikel Alvarez Forcada auzipetuari, berriz, urtebeteko zigorra eta hilabete bateko isuna ezarri dio epaitegiak, konplize izatea egotzita. Konplize izateagatik ezar daitekeen zigorrik arinena ezarri diote Alvarezi, epaitegiak ebazpenean zehaztu duenez.

Nafarroako Gobernuko presidenteari "atentatua" egitea leporatuta zigortu ditu laurak epaitegiak. Hala, fiskalaren eta akusazioko abokatuaren tesia frogatutzat jo du epaileak, haiek argudiatu baitzuten "atentatua" izan zela Barcinaren aurkakoa. Hala ere, bost urteko espetxe zigorra eskatu zuen fiskalak; absoluzioa, berriz, defentsak.

"Gorputz indarkeria" egon zen tartak jaurtitzean, Auzitegi Nazionalaren arabera. Hala ere, ñabartu du tartak ez direla "arriskutsuak" eta ez dituztela "zauriak" eragiten; aitortu du, halaber, hori ere ez zela helburua.

Auzipetuak epaitzeko jurisdikzioa izatea ere justifikatu du epaileak. Argudiatu duenez, nahiz eta gertakariak Okzitaniako Tolosan jazo, erasotzaileak Espainiako Estatukoak dira, eta ez dira beste estatu batean absolbituak edo zigortuak izan. Hala ere, epaileak aintzat hartu du ekintza Frantzian gertatu izana eta herrialde horretan ekintzak izan dezakeen tipifikatzea.

Azaroaren 18an epaitu zituzten Madrilen, eta, epaiketan, jurisdikziorik eza argudiatu zuen Mugituko lau auzipetuen defentsak. Barcinari hiru tartakada emateagatik epaitu zituzten, 2011ko urriaren 27an, Okzitaniako Tolosan, Pirinioetako Lan Elkartearen osoko bilkuran.

Helegitea jarriko dute

Defentsako abokatuek Twitterren iragarri dute helegitea jarriko dutela Auzitegi Nazionalaren erabakiaren aurka. Kritikatu dute ebazpena Barcinaren eta haren bizkartzainaren testigantzan oinarritzen dela, eta auzitegiak ontzat jo duela jatorrizkoa ez den bideo bat. Halaber, zehaztu du "atentatu" delituak berez duen "dolua" ez zuela ekintzak, "kritikatzea" zelako asmoa.
 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Azkeneko 24 orduetan COVID-19 gaitzak ez du inor hil du Euskal Herrian, eta hamasei positibo atzeman dituzte PCR probekin. Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Hainbat pertsona Iruñean, maskarak jarrita dituztela. ©IÑIGO URIZ / FOKU

Nafarroan 10.351 pertsonak pairatu dute gaitza, gobernuaren arabera

Igor Susaeta

Hego Euskal Herrian bost pertsonak eman dute positibo PCR proban. Murgarentzat, orain ez dago «transmisio komunitariorako arriskurik»

Gazte bat, Iruñeko igerileku batera sartzeko eskuak garbitzen, joan den astean. ©Idoia Zabaleta / FOKU

Bi hildako eta hogei kasu gehiago

Maddi Ane Txoperena Iribarren

Azken orduotan bi pertsona hil dira Euskal Herrian koronabirusaren ondorioz. Detektatutako kasu berrietatik bosna daude Araban, Bizkaian, Gipuzkoan eta Nafarroan. Batek lotura izan dezake Orioko agerraldiarekin.

Okerrena iritsi gabe zegoela, Nafarroako ekonomia %4,4 txikitu zen

Okerrena iritsi gabe zegoela, Nafarroako ekonomia %4,4 txikitu zen

Iker Aranburu

Konfinamenduaren lehen bi asteen ondorioz, BPGak zazpi urteko hazkunde zikloa itxi zuen. Gobernuak ez du iragarpen zehatzik egin, egoera oso aldakorra delako

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna