Albistea entzun

PP-ren batzarra

"Abortu librea" oihu eginez eten dute Rajoyren hitzaldia PPren kongresuan

Botoen %72,8ko babesarekin, Quiroga EAEko PPko presidente hautatu dute berriro. Bideoa: protestaren unea (Abortu Komunikazio Taldea).

Jon O. Urain -

2014ko martxoak 8 11:25

Arantza Quiroga Euskal Autonomia Erkidegoko PPko presidentea karguan berretsi dute alderdiaren 14. kongresuan, botoen %72,8 jasota. Azken urteetan presidentea aukeratzeko bozketetan baino babes urriagoa du Quirogak; Antonio Basagoitik botoen %82,3 eskuratu zituen 2008an eta %92,5 2012an.

Quirogak "batasuna" eskatu dio alderdiari EAEko PPren ezohiko kongresuan, "barrutik zauritua dagoen gizartea berreraikitzeko". Presidentetzan berresteko hautagaitza aurkeztu du Quirogak, eta alderdikideei barkamena eskatuz hasi du hitzaldia, "alderdiaren siglei kalte egiteagatik".

Quiroga bera hautatu dute berriro presidente, eta Nerea Llanos idazkari nagusi. Iñaki Oiarzabalek betetzen zuen postu hori, eta kargutik kendu du Quirogak; tirabirak izan dira alderdian horren kontura, eta atzo jakinarazi zuten Llanosek beteko zuela haren kargua.

Oiarzabalek ere hartu du hitza kongresuan. Esan du ez doala "inora" eta "gustura" geratuko dela alderdian: "Arantza Quirogarekin geratuko naiz PPn". "Harro" agertu da PPko kide izateaz, eta gaineratu du "ohorea" izan dela idazkari nagusi kargua betetzea.

Rajoyren hitzaldia, etenda

Mariano Rajoy Espainiako Gobernuko presidenteak itxi du hitzaldia. Besteak beste, ETAri eskatu dio desegiteko, "hitz egiteko ezer" ez dagoelakoan: "Hori da bidezkoa, demokratikoa eta arrazoizkoa. Oso erraz konpontzen da: desegin zaitezte". Erakunde armatua desegin osteko agertokian, "legearen inperioa" ezarriko dela gaineratu du Rajoyk, "mundu zibilizatu osoan bezala".

Lau gaztek, ordea, eten egin dute Rajoyren solasaldia, abortuaren lege erreformaren kontra "abortu librea" oihukatuz. "Gure gorputza, gure erabakia" ere aldarrikatu dute, eskuak altxatuta zituztela. PPkoek txistuka hartu dituzte, eta "bizitzari bai" erantzun diete batzuek. Lau gazteak Kursaaletik aterarazi dituzte, eta Rajoyk protestari erreferentziarik egin gabe jarraitu du hitzaldia.

Abortua Gipuzkoa Twitter sare sozialeko kontuak eskegi du protestaren unearen argazkia, eta, kontu horretan bertan jakinarazi dutenez, ekintzaileak kolpeka atera dituzte. Ondoren, Ertzaintzak identifikatu ditu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

11 ekintzaileak, Baionako auzitegi aitzinean ©Guillaume Fauveau

Martxoaren 9an emango dute 11 'bakegileren' aurkako deliberoa

Ekhi Erremundegi Beloki

Hamar auzipeturentzat 950 euroko isuna eskatu du fiskalak, gibelapenarekin. Uztailaren 23ko protestetan errepidea blokeatzea egotzita epaitu dituzte.

Iratxe Sorzabalen zauriak, 2001eko atxiloaldiaren ostean. ©Berria

Iratxe Sorzabalen kontrako zigorra berretsi du Auzitegi Gorenak, torturak ukatuta

Berria

Euskal preso horrek pairatutako torturen berri eman izanak ez du «egiaztatzen» halakorik sufritu zuenik, Gorenaren arabera.

Beatriz Artolazabal Eusko Jaurlaritzako Berdintasun, Justizia eta Gizarte Politiketako sailburua, iazko azaroan, Eusko Legebiltzarrean. ©JAIZKI FONTANEDA / FOKU

Artolazabalek otsailaren 14an utziko du sailburu postua

Mikel Elkoroberezibar Beloki

EAJren Gasteizko alkategaia izango da Artolazabal, eta kanpainaurreari heltzeko utziko du Berdintasun, Justizia eta Gizarte Politiketako sailburu postua. Esan duenez, «oso gustuko» izango luke bere ordezkoa emakume arabar bat izatea.

GKSko kide baten atxiloketa salatzeko mobilizazioa, iazko ekainean ©Bob Edme

GKSko kide bat epaituko dute Pauen

Ekhi Erremundegi Beloki

Asteartean eginen diote epaiketa, Paueko Dei Auzitegian. Margoketak egitea leporatzen diote.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...