Espainiako Barne Ministroak jakinarazi duenez, atxilotuei ETAko kide "legalak" (fitxatu gabeak) izatea leporatzen die. Igarrizek, Olabarrietak eta Aztiriak joan zen martxoaren 25ean Donostian atxilotutako hiru lagunekin —Poliziaren esanetan ETAko liberatuak— kontaktua zutela uste du poliziak.
Hiruren etxeak miatu dituzte, eta datozen orduetan Madrilera eramatea espero da.
Marta Igarrizek 33 urte ditu, eta izatez Donostiarra da; hangoa da Gorka Aztiria ere, eta 27 urte ditu. Gaizka Olabarrietak, berriz, 25 urte ditu.
Askatasunak jakinarazi duenez, Bilbon beste etxe bat ere miatu du Espainiako Poliziak, baina han bizi den pertsona ez zegoen etxean.
Atxiloketak
Espainiako Poliziak hiru lagun atxilotu ditu Gipuzkoan
Hernanin Marta Igarriz Izeta eta Arrasaten Gaizka Olabarrieta Kormenzana eta Gorka Aztiria Etxeberria atxilotu ditu Espainiako Poliziak. ETAren Donostia komandoarekin lotu ditu hiru lagunak Espainiako Barne Ministro Jose Antonio Alonsok, eta operazio honekin, "Donostia konplexua" deseginda geratu dela dio. Operazioak irekita jarraitzen du. Bestalde, Askatasunak zabaldu duenez, Bilbon etxe bat miatu dute poliziek, baina etxe horren jabez ez zegoen bertan.
Iruzkinak
Ez dago iruzkinik
Ordenatu
