Albistea entzun

ABORTUA

Abortuaren lege proiektua prest du Gallardonek

Justizia Ministerioak amaitu du testua. Rajoyk erabakiko du noiz onartu.

Abortuaren erreformaren kontrako emakume batzuk martxoan Rajoyren aurrean egin zuten protesta. /
Abortuaren erreformaren kontrako emakume batzuk martxoan Rajoyren aurrean egin zuten protesta. / Juan Carlos Ruiz/Argazki Press

Garikoitz Goikoetxea -

2014ko uztailak 9

Uste baino gehiago trabatu zaio abortuaren legea aldatzeko bidea Espainiako Gobernuari. Protesta handiak sortu dira, eta atzeratzen ari dira legea onartzeko tramiteak. Aurreko asteetan zurrumurruak zabaldu dira lege proiektua onartuko ote zuen gobernuak —opor garaia hasi dela baliatuz—, baina ez da halakorik izan oraingoz.

Testuan aldaketa batzuk egin behar dituztela —malformazio kasu batzuetan abortua onartzea, adibidez—, eta oraindik behin betiko proiektua idazteko zegoela, argudio hori erabili du gobernuak aurreko asteetan, lege proiektua zergatik ez duen onartu galdetuta.

Amaitu da. Testua prest dagoela jakin ahal izan du BERRIAk ministerioko iturrietatik. Hurrengo pausoa Mariano Rajoy gobernuko presidentearen eta Soraya Saenz de Santamaria presidenteordearen esku dago. Ministroen kontseiluan lege proiektua noiz aztertuko duten, haiena da erabakia. Ministerioan diote prest daukatela testua; "ukitu batzuk" falta ditu, baina ministro kontseiluan noiz joango den argitzen dietenean, "berehala" taxutuko dute.

Aurreproiektuaren ildoari segitzen badio, orain arteko sistema errotik aldatuko du lege berriak. Epeen araberakoa ez, baldintzen araberakoa izango da. Bi izango dira baldintza nagusiak: bortxaketa baten biktima izatea edo haurdunaren osasuna arrisku larrian egotea. Aurreproiektuan malformazioak ez zituzten onartu abortatzeko arrazoi gisa; litekeena da puntu horretan aldaketaren bat egotea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Auto ilara bat, Bilbo inguruan, artxiboko irudi batean. ©ANDONI CANELLADA / FOKU

Munduko batez besteko gas emisioak halako bi isurtzen da Euskal Herrian

Iosu Alberdi

Gaindegiak '2022ko adierazle galeria nagusia' txostena osatu du, lan publikoan eten baten ostean. Datu demografikoak, ekonomikoak, sozialak eta ingurumen arlokoak landu ditu behategiak
Osasun Bidasoa plataformako ordezkariak, atzo, Eusko Legebiltzarrean. ©BERRIA

Osakidetzaren kudeaketa eredua auzitan jarri du oposizioak legebiltzarrean

Edurne Begiristain

Oposizioko talde guztiek kritikatu dute Jaurlaritzaren Osasun Sailaren jarduteko era «bertikala». EAJk eta PSEk elkarrizketa defendatu dute
Euskal Eskola Publikoaz Harro-ren agerraldia, atzo, Bilbon ©MARISOL RAMIREZ / FOKU

Salatu dute matrikulazioa aldatu arren Jaurlaritzak itunpekoa babestuko duela

Irati Urdalleta Lete

Euskal Eskola Publikoaz Harro-k ohartarazi du ikasle kalteberak sareen artean banatzeak haiek estigmatizatzeko arriskua eragiten duela
Azagran emaztea hiltzea egotzi dioten gizona, atzo, epaiketan. ©JESUS DIGES / EFE

Gizon bat epaitzen hasi dira, andrea hiltzen saiatzea egotzita

Berria

Gizonak, emaztea hiltzat jo ondoren, Lizarrara jo zuen, polizia etxera, bikotekidea hil zuela esanez

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.