Albistea entzun

kataluniako prozesu subiranista

Beste urrats bat egin du Masek galdeketari begira, kontrol batzordearen dekretua sinatuta

Kataluniako Parlamentuak babestutako kontrol batzordea izendatzeko dekretua sinatu du Generalitateko presidenteak, Auzitegi Konstituzionalak galdeketa behin-behinean bertan behera utzi arren. Bihar kontsulta babesten duten alderdien ordezkariekin bilduko da.

Artur Mas, Kataluniako Parlamentuan. /
Artur Mas, Kataluniako Parlamentuan. / ALEJANDRO GARCIA/EFE

Berria -

2014ko urriak 2 08:52

Espainiako Auzitegi Konstituzionalak Kataluniako galdeketa behin-behinean bertan behera utzita ere, Kataluniako Gobernuak kontsultari begirako pausoak ematen jarraitzen du. Parlamentuak atzo onartu zuen azaroaren 9ko kontsulta behatzeaz arduratuko den batzordearen osaketa; gaur, berriz, Artur Mas Generalitateko presidenteak batzordeko kideak izendatzeko dekretua sinatu du.

Francesc Homs gobernuko bozeramaileak azaldu duenez, bihar sartuko da indarrean dekretua, Kataluniako Aldizkari Ofizialean argitaratu ondoren. Adierazi du Generalitatea ziur dagoela kontsulta egin daitekeela, indarrean dagoen legedia "urratu" gabe.

Atzo Parlamentuan onartutako batzordea legelari eta unibertsitate irakasleek osatzen dute: Merce Barcelo i Serramalera, Joaquim Brugue Torruella, Alfons Gonzalez Bondia, Miquel Martin Casals, Marc Marsal Ferret, Jordi Matas Dalmases eta Benet Salellas Vilar dira kideak. Batzordearen eraketa "desobedientziaren lehen pausotzat" jo dute proposamenaren aurkako indar politikoek.

Bihar goizean CiU, ERC, ICV-EUiA eta CUPeko ordezkariekin batzartuko da Mas Generalitatean. Auzitegi Konstituzionalaren erabakiaren ondotik eman beharreko pausoez ariko dira, erantzun bateratu bat emateko asmotan.

Konstituzionaleko kideak jomugan

CiU, ERC, ICV-EUiA eta CUPeko ordezkariek idatzi bat sinatu dute, Francisco Perez de los Cobos Auzitegi Konstituzionaleko presidentea eta Pedro Jose Gonzalez-Trevijano epailea ezesteko eskatuz. Parlamentuko Mahaiari igorri diote dokumentua, eta hark onartu egin du. Sinatzaileek zalantzan jarri dute Konstituzionaleko bi kideen "inpartzialtasuna".

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Gerald Darmanin Frantziako Barne ministroa eta Gilles Simeoni Korsikako gobernuburua elkarri eskua ematen, iragan uztailean, negoziazioen lehen bilkura amaitu ostean, Parisen ©CHRISTOPHE PETIT TESSON / EFE

Korsikako hautetsien eta Frantziako Gobernuaren arteko negoziazioak, oinarri bila

Ander Perez Zala

Darmaninek atzeratu egin du bihar uhartera egitekoa zuen bisita, «eztabaida bare baterako baldintzarik» ez dagoela argudiatuta. Protestak antolatu dituzten gazte mugimenduek aho batez eskatu dute elkarrizketak hausteko.

Autodeterminazioaren eta Amnistiaren Aldeko Akordio Sozialaren prentsaurrekoa, gaur, Bartzelonan. ©INTERSINDICAL

Kataluniako berrehun udalerri daude amnistiaren eta autodeterminazioaren alde

Mikel Elkoroberezibar Beloki

Hirurehun erakundek eman diote babesa Autodeterminazioaren eta Amnistiaren Aldeko Akordio Sozialari, tartean alderdi politiko independentistak, zenbait sindikatu eta ikasle antolakunde.

Danimarkako lehen ministro Mette Frederiksen, gaur, Kopenhagen egindako agerraldian. ©Liselotte Sabroe / EFE

Danimarkako bozak azaroaren 1era aurreratu ditu lehen ministroak

Mikel O. Iribar

Gobernu sozialdemokrata babesten duten alderdiek behartuta hartu du erabakia Mette Frederiksenek.

Suhiltzaile batzuk, atzo, bonbardaketa batek Kharkiven (Ukraina) txikitutako lantegi batean lanean. ©SERGEY KOZLOV / EFE

Zelenskik berretsi du ez duela Putinekin negoziatzeko asmorik

Igor Susaeta

Errusiako goi ganberak Ukrainan partzialki okupatutako lurrak anexionatzeko itunak onartu ditu. Kremlinen mapek erakusten dute Moskuren indarrek segitzen dutela gerra frontean atzera egiten

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...