Noiz sortua: 2014-10-09 09:04:29

Palestina

Lehen aldiz batzartu da Palestinako batasun gobernua

Adiskidetzeko bidean beste pauso bat eman dute Al-Fatahek eta Hamasek. Biek osatutako gobernua Gazan bildu da, eta, hain zuzen ere, lurraldearen berreraikitzea izan dute hizpide nagusi.

Rami Hamdallah Palestinako gobernuko lehen ministroa, Erezeko mugan, Gazarako bidean.
Rami Hamdallah Palestinako gobernuko lehen ministroa, Erezeko mugan, Gazarako bidean. jim Hollander / EFE

Berria -

2014ko urriak 9

Joan den ekainean osatu zenetik, lehenbizikoz batu zen atzo Palestinako batasun gobernua, Al-Fatah eta Hamas taldeek osatua. Rami Hamdallah lehen ministro eta Al-Fataheko kidea buru zuela bildu zen hamabi ministroko kabinetea, Gazako Mahmud Abbasen etxean. Era horretan, palestinarren arteko zazpi urteko liskarrei amaiera jarri eta adiskidetzeko bidean beste pauso bat eman dute bi aldeek.

Goizean iritsi ziren Zisjordaniatik Gazara Hamdallah eta bederatzi ministro, eta baita Majid Farraj Palestinako intelijentziako burua ere. Erezeko mugan harrera egin zieten milaka palestinarrek, bi taldeetako jarraitzaileek. Farrajek ohar batean adierazi zuenez, “iraganaren orria pasatu eta berri bat zabaltzea” zen Gazara egindako bidaiaren asmoa.

Ekainean osatu bazen ere, atzora arte ez zen batu Palestinako gobernu berria. Horretarako oztopo nagusia Israelek joan den udan Gazaren aurka abiatutako Hegi babesgarria operazioa izan da, 2.000 hildako eragin zituena, lurraldea birrindu eta 100.000 biztanle etxerik gabe uzteaz gain. Hain zuzen ere, Gaza berreraikitzea izan da gobernu berriak bileran aztertu duen gai nagusietako bat. Aurrerantzean ere, lehentasunezko erronka izango da hori, Hamdallahek adierazi zuenez: “Gaza erreskatatzen eta bere biztanleak sorosten ahaleginduko da gobernua”.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 5ean eguneratua. ©BERRIA

Koronabirusaren azken datuak

Berria

Azkeneko 24 orduetan hiru lagun hil dira COVID-19 gaitzaren eraginez. Hamalau positibo atzeman dituzte PCR probekin, eta ez dute gaixorik ospitaleratu. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Patricia Fanlo, Laura Imaz, Jose Espinoza, Marina Delgado eta Irati Ormazabal medikuak. ©IÑIGO URIZ / FOKU

Ondorioei begira

Arantxa Iraola

Erne daude medikuak, COVID-19ak pazienteetan nolako ondorioak izan ditzakeen begiratzen: lehen irudipenen berri eman du Iruñeko Ospitale Guneko sendagile talde batek

Bilboko mintzapraktika sareko Ioana haurrak eta Sergio Garcia boluntarioak astean hiru aldiz egiten dute mintzapraktika, bideo deien bidez. ©MARISOL RAMIREZ / FOKU

Euskara izan dezaten

Amaia Ramirez de Okariz Kortabarria

Eskolak itxita, euskaraz egiteko aukerarik gabe geratu dira milaka ume eta gazte: mintzapraktika sareak sortu dituzte. Bilbo Handian 450 haurrengana heldu dira

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna